Dowladda Federaalka Soomaaliya iyo hay’adda Lacagta Adduunka ee IMF iyo Bangiga Adduunka, ayaa maanta shir uga furmay magaalada Nairobi ee dalka Kenya.
Shirkaan ayaa looga hadlayaa arrimaha Maaliyadda, hannaanka dib-u-habeynta dhaqaalaha iyo dhamaystirka sharuudaha barnaamijka Deyn Cafinta Soomaaliya.
Wasiirka maaliyadda Soomaaliya Dr. Cilmi Maxamuud Nuur oo ka hadlay shirkan ayaa sheegay in diirradda lagu saari doono halbeegyada dib-u-habeynta Maaliyadda iyo horumarinta dhaqaalaha dalka.
Wasiirka waxa uu tilmaamay inuu shirkan dabo socda kulamo isdaba joog ah oo xoogga lagu saaray arrimaha dib u habaynta Maaliyadda iyo dhaqaalaha Soomaaliya.
Shirkaan ayaa socon doono saddex maalin.
Shirkaan ayaa waxaa ka qeybgalaya Wasaaradda Qorshaha, Batroolka, Bangiga dhexe, masuuliyiin ka tirsan xafiisyada Madaxtooyad iyo ra’iisul Wasaaraha.
