Murashax Madaxweyne – 2026
Prof. Mohamed Issak Idow
Cinwaan: Midnimada Qaranka, Dowladnimo Xooggan & Mustaqbal Soomaaliyeed
Taariikh: 04/01/2026
Goob: Muqdisho, Soomaaliya
Anigoo ah Murashax Madaxweyne ee Jamhuuriyadda Federaalka Soomaaliya, waxaan si cad ugu dhawaaqayaa in aragtidaydu ku dhisan tahay midnimo qaran, dowladnimo ku dhisan caddaalad, iyo mustaqbal ay Soomaalidu wada leeyihiin.
Soomaaliya maanta waxay maraysaa marxalad xasaasi ah oo u baahan hoggaan mideeya, ka sarreeya qabyaalad, kana shaqeeya dan guud. Kala-qaybsanaan, muran siyaasadeed, iyo faragelin shisheeye waxay wiiqeen kalsoonidii dadweynaha iyo awooddii dowladnimo. Arrintaas waa in si wadajir ah loo joojiyaa.
Waxaan rumeysanahay in:
Midnimada Soomaaliya ay tahay tiirka kaliya ee lagu gaari karo xasillooni, horumar iyo ixtiraam caalami ah.
Dowladnimada sharciga ku dhisan ay ka horrayso dano shaqsi, qabiil ama koox gaar ah
Dhalinyarada, haweenka, iyo aqoonyahanka ay yihiin laf-dhabarta isbeddel dhab ah
Khayraadka dalka loo maamulo si hufan, daahfuran, loona ilaaliyo jiilalka dambe.
Anigu ma matalayo qabiil, gobol ama koox gaar ah. Waxaan matalayaa qaran Soomaaliyeed oo mideysan, leh aragti fog, kuna socda waddo caddaalad iyo horumar waara.
Waxaan ugu baaqayaa dhammaan shacabka Soomaaliyeed, gudaha iyo dibaddaba, inay ka qayb qaataan dhismaha mustaqbal cusub oo ku dhisan kalsooni, wadajir iyo mas’uuliyad qaran.
Soomaaliya ha wada jirto – maanta iyo berri.
Prof. Mohamed Issak Idow
Murashax Madaxweyne – Jamhuuriyadda Federaalka Soomaaliya.
