Xildhibaannada cusub ee baarlamaanka 10aad Soomaaliya ayaa maanta oo Sabti ah yeellanaya kulankoodii labaad ee kalfadhigii koowaad, waxaana lagu wadaa in ay dood ka yeeshan xiliga kama danbeystaha ah ee la qabanayo doorashada gudoonka baarlaamaanka Soomaaliya.
Waxaa siweyn loo adkeeyay ammniga xarunta golaha shacabka oo saacadaha soo socda lagu wado in uu ka furmo kulanka xildhibaannada baarlamaanka oo ay hor yaalaan howl oo culus oo u baahan in go’aammo laga soo saaro.
Beesha caalamka ayaa dhawaan ugu baaqday baarlamaanka in uu dadajiyo geedi socodka doorashada oo marar badan oo hore dib u dhac ku yimid, gaar ahaan doorashada gudoomiyaha baarlamaanka Soomaaliya iyo tan madaxweynaha.
Barlamaankan ayaa waxa uu la wareegey awoodii qaran ee ay hore u qaateen raga la baxey madasha waxeyna jadwal u sameyn doonaan goorta la dooranayo gudoomiyaha barlamaanka iyo kuxigeenadiisa iyo waliba tan madaxweynaha,sidoo kale waxey sameyn doonaan gudi doorasho oo haga doorashada inta ka hadhey maadaama uu gudigii doorashada dadban waqtigiisii dhamaadey.
warsom2011@gmail.com
