-Hayada Laanqeyrta Cas (ICRC) ayaa raashin u qeybisay 60 kun oo dagaaladii dhawaan Gaalkacyo ka dhacay ay barakiciyeen.
ICRC ayaa dadkaa gaarsiisay raashin isugu jira bariis, digir iyo saliid. Qaar ka tirsan 34 kun oo dadkaa ka tirsan ayaa iyana lasiiyay maro kaneecooyin, maacuun iyo jirgaano iyo weliba agabyo kale oo muhiim ah.
Dhanka kale Bisha Cas ee Soomaaliya ayaa iyana caawimaad dhanka caafimaadka ah u fidisay qoysas barakacay.
ICRC ayaa sidoo kale darafyada dagaalamaya ee Puntland iyo Galmudug kala hadashay inay wada xaajoodaan si gargaar loo gaarsiiyo dadka tabaaleysan.
Dagaalada Gaalkacyo ayaa qarxay 7dii bishaan waxaana ICRC iminka sheegeysaa in dagaaladaasi barakiciyeen in ka badan 90% dadkii magaaladaa daganaa.
Dadkaa ayaa ku barakacay duleedka magaalada iyo tuulooyin magaaladaa ku hareereysan.
Sanadkii hore mar dagaalo ay ka dhaceen isla Gaalkacyo waxaa barakacay in ka badan 70kun oo qof.
warsom2011@gmail.com
