15 ka mid ah 27-ka xubnood ee loogu talla galay inay soo dhisaan Maamulka Gobolada Dhexe, ayaa waxaa maanta laga celiyay Magaalada Guriceel ee Xarunta Ahlu Sunada Gobolada Dhexe.
Xubnahaan, ayaa barqanimadii maanta ka amba baxay Garoonka Aadan Cadde ee Magaalada Muqdisho, waxaana laga soo celiyay Garoonka Magaalada Guriceel, markii ay ka deggeen.
Ahlu Sunada Gobolada Dhexe, ayaa waxaa laga soo xigtay inaan lagu soo wargelin imaanshiyaha wefdigaan ee Magaalada Guriceel, sidaasi daraadeedna aynaan qaadi karin masuuliyada ammaankooda.
15-kaan qof, ayaa iyagoo ka cago jiidaaya waxaa dib loogu soo celiyay Garoonka Aadan Cadde, waxaana jirin wax war ah oo ay ka soo saartay Dowladda Federalka ee Somaliya.
Wasiirka Arrimaha Gudaha & Federalka ee Xukuumada Somaliya C/laahi Goodax Barre, ayaa magacaabay Guddiga Farsamada ee Dhismaha Maamulka Gobolada Dhexe, iyadoo Saxaafada loo soo bandigay 26-kii bishii hore ee August.
Ahlu Sunada Gobolada Dhexe, ayaa waxay horey uga hortimid ka mid noqoshada Maamulka Gobolada Dhexe loo wado in loo dhiso, iyadoo gogosha la dhigay Magaalada Cadaado ee Xarunta Maamulka Ximin & Xeeb.
Magacyada Guddiga Farsamada
1-Cismaan Ciise Nuur
2-Xaliima Ismaaciil Ibraahim
3-Daahir Xasan Guutaale
4-Cabdi Faarax Jaamac
5-Dr. Khaliif Xirsi Cali
6-Iimaan Xasan Jiiroow
7-Daahir Wehliye Siyaad
8-Maryan Cabdi Geeddi
9-Cabdullaahi Cabdi Cabdulle
10-Maxamed Axmed Maxamuud
11-Cabdullaahi Maalin Gaafow
12-Axmed Dubad Cali
13-Cumar Maxamuud Mahad Alle
14-Cabdiraxmaan Maxamuud Macalin.
15-Cumar Cali Rooble
16-Maxamuud Aadan Cusmaan
17-Cabdullaahi Muuse Maxamed
18-Maxamed Xaashi Cabdi (Garabey)
19-Cabdi Daahir Maxamed Xareed
20-Durraan Cali Farey
21-Farxiyo Afweyne Sheekh –doon
22-Xareed Cali Xareed
23-C/nuur Macali Maxamuud
24-Cowke Xaaji Cabdiraxmaan
25-Khadiijo Cadaan Cusmaan
26-Juneyd Ismaaciil Cigalle
27-Cabdullaahi Xuseen Cali