C/wali Gaas Oo Ah Ra’iisul wasaaraha Dowlada Soomaaliya oo kamid ahaa mas’uuliyiintii ku sugnaa Tiyaatarka Muqdisho xiligii uu maanta qaraxu ka dhacayey ayaa sheegay in weerarkaasi uu yahay mid aan waxba u dhimi doonin howlaha ay dalka u hayaan Islamarkaana Ay Sii wadi Doonaan La Dagaalanka Ay kula Jiraaan Al-shabaab.
Cabdiweli Maxamed oo wax yar kadib markii uu qaraxaasi dhacay u waramay laanta afka Soomaaliga ee Idaacadda BBC-da ayaa sheegay qaraxaasi uu ahaa mid fuleynimo ah.
“Niyad jab nooma keeneyso, waxaanuna isku dayeynaa in waxaas wax lamid ahi aysan mar danbe dhicin” Prof. Gaas ayaa yiri Oo U Waramayay Idaacada BBC-da.
Ra’iisul wasaaraha ayaa dhinaca kale sheegay in qaraxaasi uu dhacay iyadoo ciidamada ammaanku ay yihiin kuwo si fiican u shaqeeya islamarkaana ay jireen weeraro badan oo ay horay u fashiliyeen.
Qaraxii maanta ka dahcay xarunta Tiyaatarka ee magaalada Muqdisho ayaa ahaa mid xooggan waxaana lagu soo beegay xilli ay madashaas xaflad sanad guurada TV-ga qaranka lagu xusayey ka socotey.
Dhowr qof oo ay ku jiraan mas’uuliyiin caan ka ahaa Sportska Soomaaliya ayaa ku geeriyoodey qaraxaas, waxaana ku dhaawacay in ka badan toban qof oo weriyeyaal u badan ayna ku jiraan mas’uuliyiin doladda ka tirsan.