Xilli Uu Wareysi siiyay laanta Afka Soomaaliga ee BBC-da Ra’iisul Wasaaraha Soomaaliya C/wali Sheekh Axmed Isagoo ku sugan magaalada London ayaa Waxa uu ka hadlay arrimo kala duwan oo ay ka mid tahay xil ka qaadistiiay Golaha Wasiirada ku sameeyeen Agaasimihii Hey’adda Nabadsugida C/llaahi Maxamed Cali (Sanbaloolshe).
Ra’iisul Wasaare C/wali Sheikh ayaa sheegay in xil ka qaadistan ay ka dambeysay markii ay u dulqaadan waayeen xarig lagula kacay Mas’uuliyiin ka tirsan dowladda, hadalo kulul oo uu Madaxda ku weeraray iyo ku Takri fal awoodeed uu ku dhaqmay Sanbaloolshe.
“Ra’iisul Wasaare C/wali “Runtii Mar walba is bedel awoodeed waa uu dhacayaa, sababaha keenay in xilka laga qaado waxay ahaayeen howsha qaabka uu u qabanayo oo aan markaa loo arkeyn inay caawineyso siyaasada dowladda oo ah in la helo adeeg xaga nabadgelyada oo degan”ayuu yirri.
Ra’iisul Wasaaraha oo sii hadlayay ayaa yiri “Sidoo kale waxaa ka mid ahaa dhaqamo xarig ah oo nin xildhibaan ah lagula kacay iyo madaxda dowladda oo si toos ah loo weeraro hadal ahaan, waxyaabo aan aad ugu habooneyn hey’adaha noocaas oo kale ayaa keentay in golaha wasiirada uu go’aankaas gaaro, sidaas ayay ku timid”
Inkastoo aan wali Madaxweynuhu aqbalin xil ka qaadistaas, ayaa hadana waxaa jira kala aragti duwanaan u dhaxeeya Madaxweynaha iyo Ra’iisul Wasaaraha oo ka dhashay xil ka qaadistaas, balsa lama oga halka ay ku dambeyn doonto arrintan oo ay salka la sii gashay arrimo kale.