Madaxa ciidamada Uganada ayaa sheegay inuusan asagu arag fiidiyowga Al-shabaab soo deysay ee muujinaya askariga ay ka heystaan Uganda.
Si kastaba ha ahaatee, wuxuu intaasi ku daray in dawlada Uganda ay samaynayso wax kasta oo karaankeeda ah si ninkaa loo soo daayo oo uu askarigaasi xornimadiisu dib ugu helo. Askarigaa ayaa fiidiyowga ku sheegay in uu yahay askari Ugandan ah Janaalena laga qabsaday mar al-Shabaab soo weerareen sanad ka hor.
Wuxuu sidoo kale ka codsaday madaxweynaha Uganda Yoweri Kaguta Musaveni inuu gacan ka geysto sidii loo sii deyn lahaa ama loo badbaadin lahaa.
Wuxuu fiidiyowga ku sheegay sidoo kale in xarakada Al-Shabaab ay halkaa ku dishay ilaa ugu yaraan 40 askari.
Wararka qaar ayaa sheegaya in askarigaa lagu magacaabo Masasa. Dhanka kale, afhayeenka ciidamada UPDF ee Uganda, Kolonel Paddy Ankunda ayaa xaqiijiyay in askarigaasi Ugandan yahay kana tirsanaa ciidamadaa UPDF ee katirsan AMISOM.
warsom2011@gmail.com
