Maxkamada Darajada 1-Aad Ee Ciidamada Qalabka sida Ee dowladda federaalka Soomaaliya ayaa maanta xukuno dil ah ku fulisey labo nin oo ka tirsanaa Al-shabaab Kuwaasoo dilal kala duwan ugeystay xildhibaano, saraakiil dowladeed iyo
shaqsiyaad kale.
Maxkamada ayaa cadaymo iyo qiraalba ku heshay labadan nin oo horay u dilay xildhibaanada kala ah Ex. Xildhibaan Saado Cali Warsame, Ex Xildhibaan Sh Aadan Maxamed Cali Madeer, Ex Xildhibaan Maxamed Maxamuud Xayd, waxay kaloo qirteen in ay dileen Axmed Odawaa Baale iyo Maxamed Axmed Maxamed oo kawada tirsanaa hay’ada Nabad Sugidda Iyo sirdoonka Qaranka Soomaaliya.
Labadan nin ee xukunka maanta lagu fuliyey ayaa lagu kala magacaabaa Shucayb Ibraahim Mahdi oo 37 sano jir Ah iyo Faarax Cali Cabdi oo 30 sano jir ahaa, Waxaana Maanta Lagu Toogtay Fagaaraha Generaal Kaahiye Degmada Waabari Ee Magaalada Muqdisho
Dhamaadka sanadkii 2014 Ciidamada amaanka dowladda federaalka Soomaaliya ayaa koox ay horjoog u aheeyeen ragan laga soo qabtay xaafad ay ka soo qaadijireen dagaalada iyo weerarada Taasi Oo Ku Tiilay Degmada Madiino Ee Gobolka Banaadir Waxaana Soo Afjarmay Nolosha Dhagar Qabayaashaasi Ka Tirsanaa Kooxda UGUS.
