Wararka ka imanaya magaalada Baladweyne ee xarunta gobolka Hiiraan ayaa sheegaya in halkaas ay gaareen saraakiil Tababarayaal ah oo u dhashay dalka Faransiiska.
Saraakiisha Tababarayaasha ah ayaa la sheegay inay tababar siinayaan ciidamada dowladda Somalia isla markaasna ay qeyb ka yihiin tababarka Midowga yurub uu siinayo ciidamada dowlada Somalia.
Dhinaca kale,Maamulka Gobolka Hiiraan ayaa sheegay inay ku guda jiraan diyaar garowgii ugu dambeeyay ee ay kaga saari lahaayeen degaanada gobolka Hiiraan ay kaga harsan yihiin kooxda AL Shabab.
Maamulka gobolka Hiiraan ayaa sheegay in ciidamada ka saari lahaa AL Shabab ay diyaar garowgii ugu dambeeyay ku jiraan iyadoo dhawaan laga saari doonno AL Shabab qeybaha ay ka joogaan gobolka Hiiraan oo ay ku jirto degmada Buula Burde oo la sheegay inay si aad ah ugu xoogan yihiin.
