Wararka Soomaaliya(Wakaalada Wararka Soomaaliyeed Ee Warsom)
Kooxaha Burcad-badeeda Soomaalida ayaa sii daayey Markab ay todobaad kahor qabsadeen.
Markabkan oo lagu magacaabo MV Eglantine islamarkaana uu ka dul babanayo calanka dalka Bolivia ayaa u gacan galay Burcad-badeeda 26-dii bishii lasoo dhaafay ee March.
MV Eglantine oo ay la socdaan 23-qof oo shaqaale ah wuxuu xiligii ay la qabsaday marayey meel koonfur-galbeed kaga aadan xeebaha bad-weynta India.
Markabkan oo u rarnaa dalka Iran ayaa lasii daayey kadib markii madax furasho laga qaatay, waxaanse ilaa iyo hadda cadeyn tirada lacagta lagu sii daayey.
Weerarada Burcad-badeeda oo sanadkan bilowgiisii ahaa kuwo si aad ah kor ugu kacay ayaa bilahan u muuqda kuwo soo yaraanayey.
Waxaana xiligan gacanta ugu jira maraakiib ganacsi oo intooda badan ay leeyihiin shirkado ka shaqeeya gudaha dalka Imaaraadka Carabta.
Wararka Soomaaliya(Wakaalada Wararka Soomaaliyeed Ee Warsom)
.