wararka somaliya “warsom.com”
Faah faahin dheeraad ah ayaa kasoo baxaysa khasaaraha ka dhashay shil gaari oo shalay galab maqribnimadii ka dhacay waddada Maka Al Mukarama ee magaalada Muqdisho kaasi oo sababay khasaare ballaaran.
Kadib markii shalay shil gaari oo dhimasho iyo dhaawac ay kasoo gaartay taageerayaal iyo ciyaartooy katirsan dagmada Dhargenlay uu laqalibmay gaarikii ay lasocdeen ayaa waxaa laga dayrinayaa xaaladda dadkii ku dhaawacmay shilkaasi, iyadoo la aqoonsan la’yahay maydadka qaar ka mid ah dadka ku geeriyooday Shilkaasi.
Maydadka dad la aqoonsan la’yahay oo ku geeriyooday Shil gaari oo ka dhacay magaalada Muqdisho ayaa yaalla Isbitaaladda Banaadir iyo Madiina ee magaalada muqdisho.
dadka ku geeryooday shilkaasi gaari ay kor u dhafaya 16 ruux 6 kamid ah lagaran la`yahay meedadkooda kuwaas oo yaala isbitaalada magalada muqdisho, sidoo kale in ka badan 35 kalana ay ku dhaawacmeen kuwaasi oo la sheegay in ay ahaayeen dad taageerayaal u ahaa koox ku ciyaaraysay magaca degmada Wadajir oo ka mid ah degmooyinka ka qeyb galaya tartan kubada cagta ah oo ka socda Garoonka Stadium Koonis ee Muqdisho.
wakalada wararka somaliyeed “warsom.com” hooyga runta iyo xaqiiqda wararka soomliyeed