Wararka ka imanaya degmada Garbahaarey ee gobolka Gedo ayaa sheegaya in xoogag ka tirsan Ururka Al-shabaab xalay weerar ku qaadeen saldhig ciidamada dowladda ay ku leeyihiin degmada.
Dadka ku sugan degmada ayaa warbaahinta gudaha u sheegay in ay maqleen xalay hub culus oo ay is weydaarsanayeen ciidamada dowladda iyo xoogagga weerarka soo qaaday.
Ciidamada dowladda ayaa dib isaga caabiyay dagaalyahannada Ururka Al-shabaab ee weerarka ku soo qaaday degmada.
Weerarka Al-Shabaab ay ku qaadeen Magaalada Garbahaarey ayaa waxaa ka dhashay khasaare isugu jira dhimasho iyo dhaawac.
Gobolka Gedo ayaa ka mid ah deegaannada ay ka dhacaan dagaallada ugu badan ee u dhaxeeya ciidamada dowladda Soomaaliya iyo Al-shabaab.
