Anigoo ku hadlaya Magaca Ra’iisul Wasaaraha Xukuumadda Soomaaliya Guud ahaan Xukuumadda iyo Shacbiga Soomaaliyeed waxaan ku soo dhaweynayaa Muwaadiniinta Soomaaliyeed ee dalkooda Hooyo dib ugu soo laabtay.
Ra’iisul Wasaaraha iyo Xukuumaddiisa waxa ay ku dadaaeleysaa In ay u fududeyso Muwaadiniinta ku soo noqday waddanka wixii Tasjiilaad ah.
Dowladda Federaalka Soomaaliya kama gaabin doonto kaalinteeda ku aadan daryeelka dadkeeda.
“ waxa ay dowladdu u xil saartay Wasiirka Arrimaha Gudaha iyo Safiirka Kenya la tacaalida Muwaadiniinta Soomaaliyeed ee ku nool dalka Kenya”
Ra’iisul Wasaare Cabdi weli waxa uu xiriir Joogta ah la sameeyay Wasiirka arrimaha dibadda iyo qaar ka mid ah Xildhibaanada Baarlamaanka dalka Kenya si xal waara loogu helo arrimaha Soomaalida ku nool dalka Kenya.
Dowladdu waxa ay ugu baaqeysaa Hay’adaha Caalamiga ah ee gar gaarka iyo kuwa Xuquuqul Insaanka dhowra in ay gacan kaalmo leh siiyaan dadka Soomaaliyeed ee dib loogu soo celinayo waddanka Soomaaliya iyagoo la kaashanaya hay’adaha dowladda Soomaaliyeed.
SAWIRKA QAADE MAXAMED C/QAADIR MAXAMED SUDLANKA