(Wararka Soomaaliya ( Wakaaladda Wararka Soomaaliyeed ee Warsom.com
Ciidamada difaaca cirka Gobolada Jubooyinka oo loo dhameystiray qalabkooda ciidan ayaa heegankii ugu sareeyey ku jira ka dib markii mid ka mid ah Diyaaradaha wax basaasa oo laga leeyahay dalka Mareykanka ay shalay Xarakada Mujaahidiinti Al-shabaab ku soo rideen xeebta magaalada Kismaayo Ee Gobolka J/hoose
Taliska ciidanka amaanka Ee Xarakada Mujaahidiinta Al-shabaab ayaa sheegay in Diyaaradaasi ay ka soo kacday badda islamarkaana ay ka mid tahay Diyaaradaha Mareykanka ee uu ku basaaso Shacabka Soomaaliyeed balse Xarakada Al-shabaab ayaa ku guuleestay in ay Diyaaradaas dhulka soo dhigaan.
Ciidamada Al-shabaab gaar ahaan kuwa u tababaran Difaacida cirka ayaa rasaas cul culus la helay Diyaaradda xilli ay jawi hoose ku socotay waxaana suura gashay in ay ku soo dhacdo xeebta magaalada Kismaayo,
Ciidamada Xarakatu Shabaab Al Mujaahidinta ayaa gacanta ku dhigay Diyaaraddii iyo qalabkii ku rakibnaaba.
Diyaaradan ayaa waxa ay ka mid ahayd kuwa sida gaar ah ay u adeegsato hay’adda sirdoonka Mareykanka CIA-da waxaana ku xirnaa Kaamarooyin waa weyn oo meelo fog fog wax ka duuba.
(Wararka Soomaaliya ( Wakaaladda Wararka Soomaaliyeed ee Warsom.com