Qoyska Dhaley Ikraan Tahliil Faarax oo Ku Gacan Sayrey Gudiga uu Dhawaan Magacaabey M/weyne Farmaajo.

0
461

Hooyada dhashay Ikraan Tahliil ayaa ku gacan seyrtay guddi baaritaan oo uu xalay u magacaabay madaxweyne Farmaajo kiiska Marxuumad Ikraan Tahliil ee horay khilaafka culus uga dhex abuuray Farmaajo iyo Rooble.

Qaali Maxamuud Guhaad oo ah hooyada dhashay Ikraan ayaa sheegtay in guddiga uu Farmaajo magacaabay uu yahay mid aan waxba ka jirin oo aysan wax rajo ah ka sugeynin dadkii dhibaateeyay gabadheeda sida ay hadalka u dhigtay hooyo Qaali.

“Waxaan uga digayaa Farmaajo inuu faraha kala baxo kiiska gabadheyda ee Maxkamada Ciidamada horyaala, haddii uu ka hari waayo kiiskaan waxaan ka dacweyneynaa maxkamadaha dalka iyo dibadiisaba, kumana qanacsani guddiga uu magacaabay ee waxaan ku qanacsanahay ee waxan ku qanacsanahay dacwada ay maxkamada ciidamada qalabka sida u gudbistay” ayay tiri Hooyo Qaali Maxamuud.

Hooyada dhashay Ikraan Tahliil ayaa xalay markale kasoo dhex muuqatay Warbaahinta iyada oo la ilmeyneysa xanuunka qalbigeeda ku saaqsan ee ah cadaalad u helida kiiska gabadheeda oo ay sheegtay inuu hortaagan yahay madaxweyne Farmaajo.

Gabagabadii Hooyo Qaali Maxamuud ayaa sidoo kale uga digtay Xildhibaan Cabdishakuur Mire iyo Wasiiru Dowlaha Gaadiidka Cabdiraxmaan Dheere inay faraha kala baxaan Kiiska gabadheeda Ikraan Tahliil Faarax.

Tan iyo markii hay’adda NISA ay shaacisay bilowgii bishaan geerida Ikraan Tahliil oo ay sheegeen iney Shabaab u gacan gashay oo ay dileen, Al-shabaabna iska fogeeyeen dilka gabadhaasi, waxaa uu kiiska Ikraan noqday mid jahwareer culus ka dhex abuurtay Farmaajo iyo Rooble.

  1.