Magaalada Baraawe oo Maanta La Filayo Doorashada Golaha Shacabka in ay ka Bilaabato.

Waxaa Maanta lagu wadaa in magaalada Baraawe ay ka dhacdo doorashada 7 kursi oo ka mid ah kuraasta Golaha shacabka Baarlamaanka 11-aad ee dalka, kuwaas oo deegaan doorashadoodu tahay magaalada Baraawe ee xarunta maamulka Koonfur Galbeed.

Doorashada kuraastaan ayaa ah tii ugu horeysay ee ka bilaabata deegaan doorashada labaad ee maamulada horay loogu asteeyay in maamul kasta laba magaalo ay ku qabtaan doorashada Golaha Shacabka, waxaana Baraawe lagu dooran doona 13 kursi oo 7 ka mid ah Maanta la dooranayo, iyadoo lixda kalana berito la dooran doono.

 

Kuraasta Maanta lagu dooran doono magaalada Baraawe ayaa sunadoodu kala tahay HOP 165, oo ay ku tartami doonaan Saalim Caliyoow Ibroow iyo Aadan Cismaan Xasan, HOP 16, oo ay ku tartami doonaan Yuusuf Aadan Maxamed iyo Cabdullaahi Cismaan Faarax, HOP 44, oo ay ku tartami doonaan Maryan Maxamed Cali iyo Faadumo Xasan Cumar HOP 80, oo ay ku tartami doonaan Aweys Xuseen Macalin iyo Maxamed Cismaan Jibriil, HOP 250, oo isna ku tartamayaan Cabdalla Maxamed Shariif iyo Cali Maxamed Sheekh iuo HOP 160, oo ay ku tartami doonaan Maxamed Yuusuf Xuseen iyo Cali Abuukar Maxamed.

Maalinta berito ah ayaa sidoo lale Baraawe waxaa lagu dooran doona 6 kursi oo ka hareysa 7- da kursi ee Maanta lagu dooranayo Baraawe, taasoo ka dhigan in maamulka Koonfur Galbeed uu beri noqon doono maamulkii ugu horeeyay ee dhameystira doorashada Xildhibaanada cusub ee ka mid noqonaya Baarlamaanka ee 11-aad ee dalka, kuwaas oo deegaan doorashadoodu tahay Koonfur Galbeed Soomaaliya.