wararka soomaaliya warsom.com
Maxkamada ciidamada qalabka sida ee dowladda KMG Sooamaliya ayaa maanta u fariisatay dacwad ciqaabeedka dad loo haystay dambiyo kala duwan oo ay u badnaayeen rag lagu eedeeyay in ay ka tirsan yihiin Xarakada Al Shabaab oo falal amni daro ka waday Muqdisho.
Maxkamada ayaa waxa ay sheegtay in 8 ka mid ah eedeysanayaasha oo gaarayey 15 ruux lagu helay dambiga ay galeen, waxaana ay sheegtay Maxkamada in 7 ka mid ah oo ka tirsan Al Shabaab ay bambooyin ku tureen xarumo ciidan halka kan kalana ay sheegtay in uu ahaa askari ka tirsan dowladda oo kufsi u gaystay haweeney Soomaali ah.
Gaashaanle C/laahi Max’ed Muuse Keyse oo ka mid ah xafiiska xeer ilaalinta Maxkamada oo Warbaahinta u aqriyay go’aanadii ay gaartay Maxkamada ayaa sheegay in 8- daasi ruux ay Maxkamada ku xukuntay dil toogasha ah.
Gaashaanle C/laahi Max’ed Muuse ayaa waxa uu sidoo kale sheegay in Maxkamada ay xukun xabsi ah ku riday in ila 7 eedeysane oo uu sheegay in ay ka tirsanaayeen Xarakada Al Shabaab kuwaasi oo uu sheegay in lagu xukumay xabsi dhan 5 sano ilaa 15 sano.
Ma ahan markii ugu horeysay oo Maxkamada ciidamada qalabka sida ee dowladda KMG Soomaaliya ay xukuno isugu jira dil iyo xabsi ciidan ay ku rido rag lagu eedeeyay in ay ka mid yihiin Al Shabaab iyo ciidamo ka mid ah dowladda KMG Soomaaliya.
Booqo hooyga runta iyo xaqiiqda wararka soomaaliyeed warsom.com
Wakaalda wararka soomaliyeed