Wararka somaliya “warsom.com”
Talaabadaan ayaa waxay noqoneysaa in tii ugu horeysay oo lagu xiro Masuuliyiinta Dowladda Kmg ah ee Soomaaliya, kadib markii lagu hellay falal xatooyo leh, taasoo ka baxsan dhaqanka wanaagsan.
Ra’iisul Wasaaraha Soomaaliya ayaa ka warbixiyey safarkii uu ku tegey waddamada Qatar, Kuwait iyo Kenya oo uu sheegay in safarku uu ahaa mid guul ah oo xiriirkii waddamada carabta dib loo soo nooleeyey, isla markaana kulamadii uu la qaatay Amiirada Qatar iyo Kuwait iyo Ra’iisul Wasaarayaasha labada dalba ay ahaayeen kulamo miro dhal ah oo ay dhammaan mas’uuliyiintii uu la kulmay ay muujiyeen sida ay u daneynayaan shacabka Soomaaliyeed, sheegeena inay garab taaganyihiin dowladda iyo shacabka Soomaaliyeed. Qatar iyo Kuwait waxey ballanqaadeen inay sii labo jibaarayaan gar-gaarka bani’aadanimo, isla markaana ku taageerayaan shacabka Soomaaliyeed mashaariic horumarineed si barakacayaasha loogu celiyo guryahooda. Ra’iisul Wasaarahu waxuu sheegay inuu la kulmay Jaaliyadda Soomaaliyeed ee Qatar iyo Kuwait kalana hadlay sidii ay dib-u-dhiska dalka uga qeyb qaadan lahaayeen.
Wasiirada Amniga ayaa sheegay inay xoojiyeen howlgalada lagu sugayo amniga ee Muqdisho, isla markaana la howlgeliyo roondo si joogta ah uga howlgasha magaalada, tanoo suurtogelisay in la soo qabtay ilaa iyo 35 danbiilayaal isla markaana laga hortagay falal argagaxisonimo ah. Wasiiradu waxey sheegeen in howlgalada lagu sugayo amniga ay si joogta ah u socon doonaan, tanoo yareysay falalkii usbuucyadii hore ka dhacay Muqdisho, shacabkana ay aad u soo dhoweeyeen howlgalada ciidamada amniga.
Ugu danbeyntii Ra’iisul Wasaaraha Soomaaliya ayaa ka codsaday wasaarad walba inay waxqabakeedii u soo bandhigto shacabka Soomaaliyeed si ay isla xisaabtan dhab ah u timaado. Ra’iisul Wasaarahu waxuu sheegay inay waajib tahay in loo adeego shacabka, lana dar-dargeliyo howlaha qaranka iyo shacabka loo hayo.
Hooyga runta iyo xaqiiqda wararka soomaaliyed warsom.com