{"id":92843,"date":"2023-08-11T22:52:04","date_gmt":"2023-08-11T19:52:04","guid":{"rendered":"http:\/\/warsom.com\/wararka\/?p=92843"},"modified":"2023-08-11T23:02:58","modified_gmt":"2023-08-11T20:02:58","slug":"m-weyne-xasan-sheekh-oo-sheegay-in-dawladdu-dajisay-tab-iyo-xeelad-looga-adkaanayo-al-shabaab","status":"publish","type":"post","link":"https:\/\/warsom.com\/wararka\/2023\/08\/m-weyne-xasan-sheekh-oo-sheegay-in-dawladdu-dajisay-tab-iyo-xeelad-looga-adkaanayo-al-shabaab\/","title":{"rendered":"M\/weyne Xasan Sheekh oo Sheegay in Dawladdu Dajisay Tab iyo Xeelad Looga Adkaanayo Al-shabaab."},"content":{"rendered":"

Madaxweynaha dowladda Fedaraalka Soomaaliya Xasan Sheekh Maxamuud oo ku sugan magaalada Dhuusamareeb ee Caasimadda maamulka Galmudug ayaa shaaca ka qaaday in dowladdiisa ay diyaarisay qorshe looga adkaan karo kooxda Al-shabaab.<\/p>\n

Madaxweyne Xasan Sheekh ayaa sheegay in kooxda looga adkaan waayay dagaalka Militariga kaliya, sidaas darteed ay dowladiisa haatan dajisay sadax tiir oo muhiim u noqonaya in lasoo afjaro dagaalka ka dhanka ah Ururka Al-shabaab.<\/p>\n

\u201cSababta ugu weyn ee dagaalka Al-Shabaab loo dhaqaajin waayay waxay aheyd siyaasad dowlad Soomaaliyeed ay leedahay oo lagula dagaalamayo Shabaab oo aad u qeexan oo cad ma aanay jirin, marka waxa noo soo baxday in Al-shabaab dagaal milatari kaliya ku filneyn oo loo baahan yahay qorsheyaal kale, iyadoo dagaalka milatariga aan la joojineyn oo sii xoojinaayo, waxaa soo dajinay siyaasad sadex tiir ku saleysan oo ah tii milatariga aheyd in lasii wado iyo in dagaal fikri lala galo kooxda iyo tiirka sadexaad oo ah dagaalka dhaqaale\u201d ayuu yiri madaxweyne Xasan Sheekh Maxamuud.<\/p>\n

Madaxweynaha ayaa xusay in shacab hadii ay go’aan gaaraan wax waliba oo ka maqan ay gacantooda ku heli karaan, wuxuuna ugu baaqay dadka Soomaaliyeed in la joogo waqtigi ay gacantooda isaga xureyn lahayeen kooxda Al-shabaab.<\/p>\n

\u201cDiinta ayay naga soo galeen macnaheedu ma ahan inay Diin wadaan ee laakiin siyaasad ahaan ayay u arkeen dadka meesha ay ka nugul yihiin oo laga kicin karo oo laga damin karo meeshaas waaye ee ka gala, Diinta sidaas ayay ugu soo ganbadeen ee niman Diin wada ma aheyn” ayuu yiri madaxweyne Xasan Sheekh Maxamuud.<\/p>\n

Wuxuu sidoo kale tilmaamay madaxweynaha dowladda Fedaraalka in degmooyinka Ceel buur iyo Galhareeri ay yihiin labada degmo ee ka dhiman dhameystirka wajiga koowaad ee dagaalka ka dhanka ah kooxda, islamarkaana wajiga labaad uu toos u bilaaban doono markii labadaas degmo gacanta lagu dhigo.<\/p>\n

“Halkan waxaa u nimid in guud ahaan wejiga koowaad ee dagaalka aan soo geba-gebayno, labada degmo ee Galmudug Khawaarijta uga hartay in aan iyaguna dagaal ku qaadno, kadib waxaa billaaban doono wejiga labaad” ayuu yiri madaxweyne Xasan Sheekh Maxamuud.<\/p>\n

\n

\"\"<\/a>\"\"<\/a>\u00a0<\/a>\"\"<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\"\"<\/a><\/p>\n<\/div>\n