{"id":92386,"date":"2023-07-31T20:36:55","date_gmt":"2023-07-31T17:36:55","guid":{"rendered":"http:\/\/warsom.com\/wararka\/?p=92386"},"modified":"2023-07-31T21:19:58","modified_gmt":"2023-07-31T18:19:58","slug":"iska-hor-imaadyo-maalintii-saddexaad-ka-socda-xero-qaxooti-oo-ku-yaalo-dalka-falastiiniyiinta","status":"publish","type":"post","link":"https:\/\/warsom.com\/wararka\/2023\/07\/iska-hor-imaadyo-maalintii-saddexaad-ka-socda-xero-qaxooti-oo-ku-yaalo-dalka-falastiiniyiinta\/","title":{"rendered":"Iska Hor-Imaadyo Maalintii Saddexaad Ka Socda Xero Qaxooti Oo Ku Yaalo Dalka Falastiiniyiinta"},"content":{"rendered":"

Iska hor-imaadyo ayaa maalintii saddexaad maanta ka socda xero qaxooti oo Falastiiniyiinta ay degan yahay oo ku taalla dalka Lubnaan, kuwaas oo u dhaxeeya kooxda Fatax ee madaxweyne Maxamuud Cabaas iyo kooxaha kale ee Falastiiniyiinta oo isku dhaanc ah.<\/p>\n

Khasaaraha dhimashada ee dagaalka ayaa maanta gaaray sagaal, sida ay sheegeen saraakiisha Lubnaan.<\/p>\n

Afhayeen u hadlay ciidamada Lubnaan ayaa xaqiijiyey tirada khasaarihii ugu dambeeyey ee xerada Cayn Al-Xilwah. Laba askari oo oo ku sugan banaanka xerada ayaa sidoo kale dhaawacmay, sida uu sheegay Col. Fadi Abu Ciid.<\/p>\n

Inkasta oo Lubnaan iyo kooxaha Falastiiniyiinta qaarkood ay isku dayeen in la gaaro xabad-joojin, \u201crasaasta iyo hoobiyeyaasha ayaan illaa hadda istaagin,\u201d ayuu yiri Cadnaan Rifaci, oo xubin ka ah guddi maamula xerada.<\/p>\n

Ciidamada Lubanaan, oo maamula baro kontorool oo banaanka ah, ayaan gelin xerada, oo ay maamulaan kooxaha Falastiiniyiinta.<\/p>\n

Isku dhacyada ayaa billowday Axaddii kadib markii kooxaha Islaamiyiinta ay toogasho ku dileen jeneraal militari, Abu Ashraf al Armoushi, oo ka tirsan kooxda Fatax, iyo saddex ilaaladiisa ah.<\/p>\n

Sabtidii, qof hubeysan ayaa isku dayey inuu dilo Maxamuud Khaliil oo ka tirsan kooxaha Islaamiyiinta, hase yeeshee wuxuu taas beddelkeeda rasaasta ku dilay qof la socday.<\/p>\n

Goor dambe oo Axaddii ah, kooxaha Falastiiniyiinta ayaa soo saaray bayaan wadajir ah oo ay ku sheegeen inay gaareen heshiis xabad-joojin oo ay magaalada Sidon ku mart-geliyeen kooxaha Shiicada Lubanaan ee Amal iyo Xizbullah. Hase yeeshee xabad-joojinta ayaan dhaqan-gelin.<\/p>\n

Qara ka mid ah dadka degan xaafadaha Sidon ee u dhow xerada ayaa ka cararay guryahooda ayada oo xabado wiifto ah ay soo dhacayeen. Sidoo kale isbitaalka Sidon ayaa shaqaalaha iyo bukaanada daadgureeyey.<\/p>\n

Bayaan kasoo baxay ayey Fatax ku cambaareysay dilka sarkaalka amni, waxayna sheegtay in weerarka uu qeyb ka yahay \u201cshirqool dhiig ku daadanayo oo lagu beegsanayo ammaanka iyo xasilloonida xerada.\u201d<\/p>\n

Fatax ayaa wacad ku martay \u201cinay la xisaabtami doonto kuwa ka dambeeyey.\u201d<\/p>\n

Iska hor-imaadyada dhexmara kooxaha iska soo horjeeda ee Falastiiniyiinta ayaa caadi ka ah xerada Cayn Al-Xilwah oo marta-gelisay 54,000 oo qaxooti Falastiiniyiin ah.<\/p>\n

\n

\"\"<\/a>\"\"<\/a>\u00a0<\/a>\"\"<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\"\"<\/a><\/p>\n<\/div>\n