{"id":92334,"date":"2023-07-30T22:23:48","date_gmt":"2023-07-30T19:23:48","guid":{"rendered":"http:\/\/warsom.com\/wararka\/?p=92334"},"modified":"2023-07-30T22:33:24","modified_gmt":"2023-07-30T19:33:24","slug":"xubno-kamid-ahaa-shaqaalaha-dawladda-loo-haysto-musuqmaasuq-oo-maxakamada-g-banaadir-garmaqalkooda-u-fadhido","status":"publish","type":"post","link":"https:\/\/warsom.com\/wararka\/2023\/07\/xubno-kamid-ahaa-shaqaalaha-dawladda-loo-haysto-musuqmaasuq-oo-maxakamada-g-banaadir-garmaqalkooda-u-fadhido\/","title":{"rendered":"Xubno Kamid ahaa Shaqaalaha Dawladda loo Haysto Musuqmaasuq oo Maxakamada G\/banaadir Garmaqalkooda u Fadhido."},"content":{"rendered":"

Maxkamadda gobolka Banaadir ayaa maanta mar kale dhegaysanaysa dacwadda loo haysto 4 eedeysane oo katirsan hay\u2019adda socdaalka iyo jinsiyadaha Soomaaliya.<\/p>\n

Eedeysanayaashan ayaa loo haystaa inay ku kaceen lunsashada hanti dowladeed, xatooyo shacab iyo ku tagrifal awoodeed, waxaana maxkamadda maanta lagusoo bandhigay qaar kamida ah caddeymaha dambiyadooda.<\/p>\n

Afarta eedaysane waxaa loo haystaa inay kumanaan iyo malaayiin dollar ku lunsadeen qallinka dowladda, inkastoo qareenada difaacaya ay eedda loo haysto ku tilmaameen mid lagu been abuuranayo.<\/p>\n

Afarta eedeysane waxaa lagu kala magacabaa;<\/p>\n

Cumar Macalin Nuur oo ah eedeysanaha koowaad, ayaa lagu eedeeyay inuu lunsaday lacag dhan, ku dhawaad 7 milyan oo dollar, Lacagtaas, oo ahayd hanti dadweyne iyo dakhli dowladeed oo uu masuul ka ahaa.<\/p>\n

Eedeysanaha labaad, C\/llaahi Maxamuud Cosoble, waxaa lagu eedeeyay inuu lunsaday lacag dhan ($560,500) shan boqol iyo lixdan kun iyo shan boqol oo dollar. Waxaa loo haystaa inuu dukumentiyo been abuur ah ku qaatay lacago dowladeed.<\/p>\n

Eedeysanaha saddexaad, Saabir Xasan Cabdi Nuur, waxaa loo haystaa lunsashada hanti dadweyne iyo dakhli dowladeed oo uu masuul ka ahaa, oo gaarayay, ($482, 730) Afar boqol sidddeetan iyo labo kun, todobo boqol iyo soddon dollar. Lunsashada dhaqaalahaan waxay maxkamaddu sheegtay inuu u maray warqado been abuur ah.<\/p>\n

Eedeysanaha afaraad, Aadan Maxamed Cabdi, waxay maxkamaddu ku eedeysay inuu lunsaday lacag dhan ($88,640) siddeedan iyo siddeed kun lix boqol iyo afartan dollar, lacagtaas oo uu ku lunsaday isagoo isticmaalayay warqado lacag qabasho iyo shaabado been abuur ah.<\/p>\n

\n

\"\"<\/a>\"\"<\/a>\u00a0<\/a>\"\"<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\u00a0<\/a>\"\"<\/a>\"\"<\/a><\/p>\n<\/div>\n