{"id":39690,"date":"2017-09-07T23:05:28","date_gmt":"2017-09-07T20:05:28","guid":{"rendered":"http:\/\/warsom.com\/wararka\/?p=39690"},"modified":"2017-09-07T23:06:27","modified_gmt":"2017-09-07T20:06:27","slug":"afar-qof-oo-lagu-gawracey-deegaanka-laamu-ee-dalka-kenya-iyadoo-xaalada-magaaladuna-ay-aad-kacsantahey","status":"publish","type":"post","link":"https:\/\/warsom.com\/wararka\/2017\/09\/afar-qof-oo-lagu-gawracey-deegaanka-laamu-ee-dalka-kenya-iyadoo-xaalada-magaaladuna-ay-aad-kacsantahey\/","title":{"rendered":"Afar Qof oo lagu Gawracey Deegaanka LAAMU ee Dalka Kenya iyadoo Xaalada Magaaladuna ay aad kacsantahey."},"content":{"rendered":"

\"\"<\/a><\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

Dadka ku nool deegaanka Lamu ee dalka Kenya, ayaa waxaa lasoo deristay cabsi xooggan, kaddib markii Al-Shabaab Arbacadii lasoo dhaafay deegaanka Lamu ay ku gowraceen Afar qof.<\/p>\n

Guddoomiyaha county-ga Lamu Gilbert Kitiyo ayaa sheegay in weerarku uu ka dhacay deegaanka Silini-Mashambani, halkaas oo saddex ka mid ah lagu dilay. Qofka soo haray ayaa guddoomiyuhu sheegay in lagu dilay tuulada Bobo.<\/p>\n

Falkan waxa sheegtay ururka Al-Shabab. Afhayeenka ururka ee dhinaca hawgalka military, Cabdicasiis Abu Muscab ayaa sheegay in ururku uu falkan ka dambeeyey, isaga oo tirada dhimashadana ka dhigay 5 qof.<\/p>\n

Wararkan oo ay qoreen wargeyska The Washington Post iyo wakaalada wararka ee Reuters ayaa lagu sheegay in isla deegaankan, bil ka hor, lagu gowracay 12 qof.<\/p>\n

Guddoomiye Kitiyo ayaa sheegay in 30 qof oo aad u hubeysani ay guri guri u galayeen iyaga oo dadka ay raadinayaan magacyadooda ku dhawaaqaya, kaddibna ay la soo baxeen ayna gowaracay.<\/p>\n

Dhacdadan ayaa kusoo begmeysa xili dalka Kenya uu isku diyaarinayo in bisha soosocota ay ka dhacdo doorashada madaxtinimada ee dalkaasi.<\/p>\n

Ammaanka meelo kamid ah deegaanka Lamu, ayaa maanta aad loo adkeeyay walow ay jiraan cabsi ay qabaan dadka ku nool deegaanka.<\/p>\n