Thursday, January 23, 2020
Home Blog Page 3

Qarax Ismiidaamin Oo InjineeroTurki Ah Lagula Eegtay Degmada Afgooye.

0

Sida Ay Sheegayaan Wararka aan ka helayno halka loo yaqaan Bood boodka oo ku dhaw Koontaroolka Baar Ismaaciil ee Afgooye, ayaa sheegaya in halkaasi uu ka dhacay Qarax Ismiidaamin ah Kaasoo Lala Beegsaday Injineero Turkish Ah Oo Halkaasi Ku Sugnaa.

Qaraxa Ismiidaaminta, ayaa waxaa lala eegtay Kolonyo gaadiid oo ay saarnaayeen Injineero Turki ah & gaadiid Ciidan oo la socday, waxaana wararka ay sheegayaan in qaraxa uu ahaa mid si wayn looga maqlay Magaalada Afgooye.

Ilo wareedyo ayaa Dhacdo.com u sheegay gaari noociisa uu yahay NOHA oo waxyaabaha Qarxa ay ka buuxeen in lagu dhuftay gaadiidkii ay saarnaayeen Ciidanka & ragga u dhashay Turkiga.

Qaraxaasi Ismiidaaminta ah ayaa wuxuu sababay dhimasho & dhaawac soo gaaray Askartii la socotay gaadiidka Ciidanka.

Lama xaqiijin karo xubnaha Turkiga ah inay soo gaareen waxyeelo, balse dhaawacyada ka dhashay Qaraxaasi, ayaa loo soo qaaday Magaalada Muqdisho.

     

Maxaad Kala Socotaa Awooddaha Milateri Ee Dowlada Turkiga?.

0

Saameynta milateri ee dalka Turkiga ayaa sanadihii dambe aad loo dareemay, waxaan ugu dambeeyay ciidamada Turkiga uu u diray dalka Libya iyo kuwii kasii horeeyay ee hawlgalka ku fuliyay waqooyiga dalka Suuriya.

Turkiga oo sidoo kale kamid ah ciidanka Gaashaanbuurta NATO, saldhig aad u ballaaranna ku leh magaalada Muqdisho ee Soomaaliya ayaa wargeyska the Global Fire power oo ah mid wax ka qora arrimaha milateriga caalamka waxaa uu ku qiimeeyay in uu yahay ciidanka ugu awoodda badan bariga dhexe.

Ciidanka Turkiga ayaa kaalinta sagaalaad ka galay qiimeyn lagu sameeyay awoodda milateri ee dalalka caalamka oo gaaraya 137 wadan, waxaana sandkiiba la sheegay in ciidanka Turkiga ay ku baxdo lacag dhan 8 bilyan oo doolar.

Dowladda Turkiga ayaa sanadihii dambe xoogga saartay maalgelinta ciidanka, kadib afgembigii dhicisoobay ee sanadkii 2016-ka, waxaana xukuumadda Ankara ay xiriir milateri la yeelatay dalal ay kamid yihiin Ruushka, Qatar iyo Soomaaliya oo ay ku leedahay saldhigga ugu weyn ee ku yaala meel ka baxsan Turkiga.

Dalka Turkiga ayaa sida uu qoray GFP waxaa uu ka awood badan yahay dalal ay kamid yihiin Jarmalka, Talyaaniga, Masar, Iran, Israel, Pakistan, Australia, Canada iyo Sacuudiga, waxaana uu awood ahaan ku xigaa dalka Ingiriiska.

Awoodda ciidanka cirka ee Turkiga.

Dalka Turkiga oo ay ku nool yihiin dad gaaraya sideetan milyan oo qof ayaa dadka shaqeeya waxaa lagu qiyaasay ku dhawaad 42 milyan oo qof, waxaana ciidanka dalka Turkiga guud ahaan tiradooda uu wargeyska ku sheegay 735 kun oo askari.

Ciidanka sida tooska ah u dagaal geli kara ee Turkiga ayaa jariiradda The Global fire power waxay ku qiyaastay 355 kun oo askari, halka ciidamada heegankana ama keydka ku jira ay gaarayaan 380 kun oo aksari.

Turkiga ayuu GFP sheegay in ay kamid yihiin tobanka dowladood ee ugu awoodda badan caalamka, waxaana diyaaradaha ciidanka cirka ee Turkiga lagu sheegay 1,067 diyaaradood, kuwaas oo isugu jira noocyo kala duwan.

Diyaaradaha dagaalka ee ciidanka Turkiga ayaa tiradoodu waxay gaareysaa 207, halka kuwa wax duqeeya ay iyaguna gaarayaan 207..

Diyaaradaha xamuulka ee milateriga Turkiga ayaa gaaraya 87 diyaaradood, halka kuwa lagu tababaro ciidamada cirkana ay gaarayaan 289 diyaaradood.

Diyaaradaha qumaatiga u kaca ee loo yaqaano helikobtarka ee milateriga Turkiga ayaa tiradoodu dhan tahay 792, waxaana 94 kamid ay yihiin kuwa wax duqeeya ee weerarada loo adeegsado.

Sidoo kale Turkiga ayaa dhawaan dalka Ruushka kasoo iibsaday gantaalada difaaca cirka ee loo yaqaano S-400, kuwaas oo uu farsameeyay Ruushka, si casri ahna loo farsameeyay.

Awoodda ciidanka dhulka ee Turkiga.

Ciidanka dhulka ee milateriga Turkiga ayaa kaalinta toddobaad waxaa ay ka galeen ciidamada ugu awoodda badan ee caalamka.

Taangiyada dagaalka ee Turkiga ayaa gaaraya 3,200, halka baabuurta gaashaaman ee dagaalkana ay gaarayaan 9,500 oo baabuur.

Ciidanka Turkiga ayaa sidoo kale leh madaafiicda goobta ee loo yaqanao Artilariga oo gaaraya 1,120, 350 oo ah hubka ay Soomaalidu u taqaano BM-ka iyo noocyo kale oo ah madaafiic casri ah, kuwaas oo iskood u dagaal geli kara, tiradoodudana ay gaareyso 1,272.

Awoodda ciidanka badda ee Turkiga.

Madaxweynaha Turkiga, Rajab Tayib Erdogan ayaa toddobadyo kahor daaha ka rogay gujiskii ugu horeeyay ee lagu farsameeyo gudaha wadankaas, waxaana uu sheegay in kuwa kale oo badanna ay ka shaqeynayaan sameyntooda.

Ciidanka badda ee Turkiga ayaa leh 34 marakiib oo lagu ilaaliyo xeebaha dalkaas, 12 gujis, 16 maraakiibta dagaalka iyo 11 maraakiibta kahortagga miinooyinka lagu aaso badda hoosteeda.

Ciidanka badda ee Turkiga ayaa sidoo kale leh markab loogu magac daray Peninsula of Anatolia, kaas oo ah markab xambaara diyaaradaha dagaalka.

Madaxweyne Erdogan ayaa sheegay in marka la gaaro sanadka 2022 ay si toos ah u hawlgelin doonaan gujiska lagu farsameeyay gudaha Turkiga.

Gujiska ayaa awood u yeelan doona in uu hawgallo ka fuliyo meelo fogfog..

Global Fire Power ayaa sidoo kale soo bandhigay 10-ka da ee milateri ahaan caalamka ugu awoodda badan, waxayna kala yihiin:

1. Mareykanka

2. Ruushka

3. Shiinaha

4. Hindiya

5. Faransiiska

6. Japan

7. Kuuriyada Koonfureed

8. Britain

9. Turkiga

10. Jarmalka.

     

Dawladda Soomaaliya oo Sheegtay In ay Dishay Xubno Al-shabaab Ka Tirsanaa.

0

Dowladda Soomaaliya ayaa sheegtay in 15 ka tirsan dagaalyahannada Ururka Al-shabaab ku dileen iska horimaad ka dhacay deegaanka Xaaji Cali Degmada Cadalle ee gobolka Shabeellaha Dhexe.

War ka soo baxay Wasaarradda Gaashaandhigga Soomaaliya ayaa lagu sheegay in uu iska hor imaadku dhacay markii ay Ciidanka xoogga ka war heleen weerar ay qorsheynayeen in ay Al-Shabaab kusoo qaadaan fariisimo ay Ciidanku lahaayeen, taas oo sababtay in ay cadowgu ka cararaan Tuulooyinka Geel gub iyo Masjid Cali Guud.

“Cadowga waxaa loo dhigay jig gooyo qorsheysan si xirfadi ku dheehan tahay, waxaa la burburiyay raacyadiisa hore, waxaana ku gaaray goobta lagu dagaallamay qasaare aad u badan, taas oo keentay in ay tiro 4 jeer ah weerar soo qaadaan, si ay u qaataan meydad iyo dhaawac farabadan ee goobta ka dhacay, Ciidanka waxuu baacsaday cadowga ayaga oo ku celiyay goobahii ay dagaalka ka soo abaabuleena lana sheegay in ay dib uga gurteen kana carareen tuulada Geel gub iyo Masjid Cali Guud-ba,” ayaa lagu yiri qoraalka Wasaaradda difaaca Soomaaliya.

Wasaaradda gaashaandhigga Soomaaliya ayaa sidoo kale sheegtay in dagaalkaasi ay Ciidanka Xoogga Dalka kaga shahiideen 1 Sarkaal 1 Sarkaal xigeen iyo 2 Askari, halka dhawacana uu gaarayo 3 Asakari.

Qoraalka ayaa geba-gabadii lagu sheegay in CXDS uu had iyo jeer heegan iyo foojignaan ugu jiro ilaalinta kaaramada Shacabka Soomaliyeed, waxeyna si aan ka leex-leexad laheyn u fulinayaan waajibaadka dagaal ee ay Madaxda Qaranka siisay, si loo difaaco kaaraamada sharafka iyo Madax bannaanida Qaranka.

     

Hiiraan University oo Dufacadii 6’aad Maanta Ka Qalinjabisay.

0

Munaasabad lagu soo bandhigay 103 Ardey ah oo noqonaya dufcaddii 6aad oo ka Qalinjabisay Jaamacadda ‘Hiiraan University” ayaa maanta oo Jimco ah lagu qabtay magaalada Beledweyne.

Munaasabada waxaa ka soo qeybgalay oo goob joog ka ahaa mas’uuliyiinta ugu sarreysa maamulka gobolka Hiiraan, Madaxda Jaamacadda, Ururadda Jaamacadaha, Waaliddiin, Arday iyo Marti Sharaf kale.

Aqoonyahannadii goobjooga u ahaa munaasabada ayaa waxaa ka mid ahaa Prof Axmed Muumin Warfaa oo ka mid ah aas-aasayaashii Jaamacadda, sidoo kale waxaa ka qeybgalay Guddoomyaha Maamulka gobolka Hiiraan Cali Maxamed Caraale.

Prof Axmed Muumin Warfaa oo la hadlay Ardeyda Qalinjabisay ayaa ku booriyay in ay horey u sii wataan waxbarashadooda, isaga oo dhinaca kalana ka sheekeeyay marxaladihii kala duwanaa oo ay soo martay Jaamacadda.

Mas’uuliyiinta Jaamacadda oo dhankooda ka hadlay goobta ayaa sheegay in Jaamacada lagu soo kordhiyey Kulliyado cusub oo ay  wax ka dhigayaan Macalimiin Aqoontooda sareysa islamarkaana khibrad u leh sida  wax loo baro Ardayda waxaana ay u hambalyeeen dhammaan Ardada dhameysatay heerka koowaad ee Jaamaadda.

Guddoomiyaha gobolka Hiiraan Cali Maxamed Caraale ayaa sheegay in ay ugu deeqeen Jaamacadda Dhul cusub madaama dhismihii Jaamacadda xarun ka dhigteen oo ay deggan yihiin ciidamada howlgalka midowga Africa AMISOM gaar ahaan kuwa Itoobiya.

Guud ahaan marka la eego Jawiga ayaa ahaa mid aad u qurux badan iyadoo wajibada Ardeyda laga dheehan karay sida ay ugu faraxsan yihiin in maanta ay hergaliyeen qeyb ka mid ah hankoodii Tacliinta Sare.

     

Gudoomiyaha iyo Labadiisa Kuxigeen oo Barlamaanka Galmudug Doortey.

0

Dr Maxamed Nuur Gacal ayaa ku guuleystay xilka guddoomiyaha Baarlamaanka 2aad ee dowlad gobolleedka Galmudug oo ay ku tartameen musharax xildhibaan Cabdinaasir Aadan Cismaan.

Dr Maxamed Nuur Gacal ayaa helay 54 Cod guud ahaan tirada xildhibaannadii 89 xildhibaan ee Baarlamaanka Galmudug halka musharaxa kale ee la tartamayay Cabdinaasir Aadan Cismaan uu helay 34 Cod.

Sidoo kale Baarlamaanka Galmudug ayaa guddoomiye ku-xigeenka 1aad u doortay Cabdullaahi Xirsi Maxamed oo helay 59 Cod waxaana uu ka guuleystay Saadiq SheekhYuusuf Ibraahim oo helay 29 Cod.

Sidoo kale Baarlamaanka Galmudug ayaa Faadumo Cabdi Cali u doortay guddoomiye ku-xigeenka 2aad, waxaana ay Faadumo 47 cod uga guuleysatay musharixii la tartamayay Maxamed Sheekh Axmed Maalin oo helay 41 Cod.

Faadumo Cabdi Cali ayaa noqoneysa haweeneydii labaad ee guddoomiye ku-xigeen ka noqotay Baarlamaannada dowlad gobolleedyada dalka ka jira marka laga soo tago Baarlamaanka Dowlad gobolleedka Hirshabeelle oo Qof Dumar ah ay ka mid tahay Guddoonka Sare.

     

Dawladda Soomaaliya oo Sheegatey Duqeyn Lagu Dilay Xubno Al-shabaab Kamid ahaa.

0

Warar dheeraad ah ayaa ka soo baxay duqeyn deegaanka Kuunyo Barroow ee gobolka Shabeellaha Hoose lagula eegtay xubno ka tirsan Ururka Al-shabaab.

Dowladda Soomaaliya ayaa sheegtay in in duqayntan lala beegsaday laba xubnood oo ka tirsan ururka Al-Shabaab kuwaasi oo weerarka lagu dilay, sida ay muujinayso xogta laga helay ilaha dawladda.

Saraakiisha dowladda ma aysan shaacin magacyada xubnaha lagu bartilmaameedsaday duqeynta

Dhinaca Ururka Al-shabaab kama aysan hadlin warka ku saabsan xubnaha ka tirsanaa ee la sheegay in duqeynta lagu dilay

Mareykanka oo gacan ka siinaya dowladda Soomaaliya dagaalka ka dhanka ah Ururka Al-shabaab ayaa xoojiyay duqeynaha ay ka geysanayaan deegaannada ay maamulaan Ururka gaar ahaan gobollada Shabeellada Hoose iyo Jubbooyinka.

     

Sarkaal Qaraxyada U Sameyn Jiray Al-shabaab oo Dawladda FS Sheegatey Dilkiisa.

0

Saraakiisha ciidamada dowladda Soomaaliya ayaa sheegay in howlgal xalay saqdii dhexe ay ka sameeyeen degmada Wanlaweyn ee gobolka Shabeellaha hoose ku dileen madaxii Qaraxyada u qaabilsanaa Ururka Al-shabaab.

Gaashaanle Ismaaciil Cabdi Maalik oo U hadlay Guutada DANAB ee ciidanka xoogga dalka Soomaaliyeed ayaa sheegay in howlgalka oo laga fuliyay degmada Wanlaweyn shaqsiga ka hor inta aan la toogan uu la dagaamay sida uu hadalka u dhigay ciidamadii howlgalka ku jiray.

Qofka la dilay ayuu magaciisa ku sheegay Maxamed Cismaan Xusseen Buluush oo ay ku eedeeyeen in uu Al-shabaab uga madax ahaa Howlgalada Qaraxyada.

Ilaa iyo hadda ma jiro wax war ah oo ka soo baxay dhinaca Al-shabaab oo la xiriira sheegashada dowladda ee Sooamaaliya.

Dhawaan ayeey aheyd howlgal ciidamada dowladda ay sidoo kale ka sameeyeen deegaanka Tooratooroow lagu dilay xubno sarsare oo ka tirsanaa Ururka Al-shabaab sida uu warbaahinta u sheegay afhayeenka madaxtooyada Soomaaliya,Taas oo Iyadana aan Dhanka Al-shabaab Wax War ahi Kasoo Bixin.

     

M/weynayaasha Jubaland iyo Puntland oo Garoowe Kulan Uga Furmayo.

0

Madaxweynaha dowlad goboleedka Jubbaland ayaa ka hadlay socdaal uu maanta ku tagay magaalada Bosaso ee xarunta gobolka Bari, halkaas oo uu ku qaabilay madaxweynaaha Puntland Siciid Deni.

Madaxweyne Axmed Madoobe oo ka hadlayay shir jaraa’id ayaa sheegay in socdaalkiisa uu daaran yahay sidii ay Puntland uga wada hadli lahaayeen arrimaha labada maamul ay kawada midaysan yihiin iyo danaha guud ee Soomaaliya.

Madaxweynaha Puntland Siciid Deni, ayaa isna dhankiisa sheegay in Puntland iyo Jubbaland ay ka midaysan yihiin arrimaha siyaasada Soomaaliya, ayna wax isla meel dhigidoonaan inta ay wada joogaan.

Madaxweyne Deni ayaa sheegay Puntland inay gacan weyn ka geysatay doorashadii madaxweyne Axmed Madoobe uuna ku faraxsan yahay socdaalkiisii ugu horeeyay inuu Puntland ku yimid.

Masuuliyiinta ayaa la filayaa inay yeesheen kulan gaar ah kahor inta aysan wajahin xubno katirsan beesha caalamka oo la filayo in maalinta berrito ay kula shiraan magaalada Bosaso.

Shan beri ka hor, safiirka Maraykanka ee Soomaaliya Yamamota ayaa tagay Bosaso, isagoo kula shiray madaxweyne Deni.

Beesha caalamka ayaa horey ugu baaqday in hoggaamiyayasha siyaasada Soomaaliya ay xal ka gaaraan khilaafka ka dhextaagan, iyagoo ka digay in waqtiga lagu lumiyo isqabqabsi mugdi galin kara doorashada Soomaaliya oo ay beesha caalamku taageerayso.

     

 

Odayaal Maxakamadi Xukun Ku Riday oo M/weyne Saciid Dani Cafis U Fidiyey.

0

Madaxweynaha Puntland Siciid Cabdullaahi Deni ayaa cafis ufidiyey 5 xubnood oo dhowaan Xukun Maxkamadeed uu ku dhacay.

Madaxweynaha Puntland ayaa sheegay inuu tixgaliyay Xaaladaha Caafimaad iyo Da’ahaaneed ee xukumanayaasha cafiska loo fidiyay.

Waa markii labaad oo cafis loo fidiyo qaar kamid ah maxaabiistaan oo loo xiray kadib markii uu maamulku eedeeyay inay faraha kula jireen arrimo siyaasadeed iyo qalqalin lid ku ah ammaanka Puntland.

Dadka la cafiyay ayaa lagu kala magacaabaa:

1.1. Muuse Cali Jaamac Ina Caasho Ciise 70 jir ah

1.2. Cabdullaahi Yuusuf Buuxe Ina Faadumo Shire 60jir ah

1.3. Cawad Ceel Maxamed 70 jir ah

1.4. Cabdicasiis Baydhabo Axmed Ina Shamis Siciid 47 jir ah

1.5. Maxamuud Aadan Rooble ina Mumino Maxamud 60 Jir ah.

Xafiiska xeer ilaalinta guud ee Puntland ayaa soo diyaariyay Codsiga Cafiska Maxaabiista Xukuman, kadibna madaxweynaha ayaa oggolaaday oo amray in lasii daayo maxaabiistaan.

Maxkamada darajada koowaad ee gobolka Bari, ayaa dhawaan odayaashaan ku xukuntay xabsiyo udhexeeyay saddex bilood illaa 2 sano.

     

 

Soomaaliya oo Barlamaanka Carabtu Sheegay In uu Taageero Siinayo.

0

Kulanka Baarlamaanka Waddamada ku bahoobay Jaamacadda Carabta oo Shalayto lagu soo gaba-gabeeyay Magaalada Qaahira ee xarunta Dalka Masar ayaa laga soo saaray bayaan lagu taageerayo Dowladaha Soomaaliya iyo Suuriya.

Bayaanka lagu taageeraya  Soomaaliya oo gundhig u ah  horumarka dhinacyada badan leh ee ay Dowladda Federaalka Soomaaliya  sameysay ayaa mar kale lagu caddeeyay in ay Jaamacadda Carabtu  Difaaceyso Qaranimada iyo midnimada Soomaaliya, waxaana lagu  cambaareeyay faragalinta shisheeye.

Ururka Jaamacadda Carabta ayaa horay u taageeray horumarrada ay sameysay Dowladda Soomaaliya, iyadoo ka hor timid faragelinta banaanka kaga imanaya, taas oo dhaawac ku ah Qarannimada Soomaaliya.