Tuesday, February 18, 2020
Home Blog Page 2

Mas’uul Ka Tirsanaa Maamulka Gobolka Banaadir Oo Lagu Helay Inuu La Shaqaynayay Al-shabaab.

0

Maxkamadda ciidamada qalabka sida ayaa xukun xabsi ah ku ridday mas’uul ka tirsanaa maamulka Gobolka Banaadir oo lagu helay in uu horey uga tirsanaa Al-Shabaab.

Maxkamadda ayaa shan sano oo xabsi ah ku ridday ku-simihii Agaasimaha Shaqadda Gobalka Banaadir, Nuur Cali Axmad (Mahad Alle) oo lagu helay in uu ka tirsanaa Al-Shababa, isla markaana uusan soo marin habka is diiwaan gelinta Dadka ka haray fikirka Al-shabaab.

Mas’uulkan xukunka lagu riday ayaa laga soo dhex xiray xarunta gobolka Banaadir , waxaana xariggiisa yimid kadib qaraxii lagu dilay Guddoomiyihii Gobolka Banaadir Eng; Cabdiraxmaan Yariisow.

Laamaha ammaanka dowladda Soomaaliya ayay maxkamadda fartay in ay la socdaan dhaq-dhaqaaqa Cabdullaahi Cabdiraxmaan Maxamed oo maxkamadda ciidamada sii deysay kadib markii dambe lagu waayay.

Dhinaca kale Maxkamada ciidamada qalabka sida ayaa dambi ku weysay Cabdulaahi Cabdi raxmaan Maxamed oo walaalo ahaayeen Basiira oo Agaasimo ka ahayd Gobolka Banaadir oo lagu eedeeyay in qaraxii xarunta ka dhacay ay iyadu ka dambeeysay, iyadoo laamaha ammaanka dowlada Soomaaliya ay maxkamadda fartay in ay la socdaan dhaq dhaqaaqa Cabdullaahi Cabdiraxmaan Maxamed oo maxkamadda ciidamada sii deysay kadib markii dambi lagu waayay.     

Gudoomiyaha Golaha Guurtidda Somaliland Oo Ka Hadlay Safarka Madaxweyne Farmaajo Ee Hargaysa.

0

Saleebaan Maxamuud Aadan Guddoomiyaha Golaha Guurtida Soomaaliland ayaa ka hadlay wararka soo baxayay oo sheegaya in Madaxweynaha Soomaaliya Maxamed Cabdullaahi Farmaajo uu tagayo Magaalada Hargeysa ee Caasimada Somaliland.

Gudoomiye Saleebaan ayaa sheegay in Somaliland cadaadis iyo codsiyo dhowr ah uu so jeediyey Ra’iisul Wasaaraha Itoobiya Abiy Axmed, kana codsaday inay labaduba yimaadaan Magaalada Hargeysa, sidu sheegay
Gudoomiye Saleebaan ayaa xusay in Xukuumadda Soomaaliland diidey in Madaxweyne Farmaajo uu yimaado Hargeysa.

Hadalka Gudoomiyaha Guurtida Soomaaliland ayaa imaanaya xilli warbaahinta qaarkeed iyo baraha bulshada lagu daabacay in  golaha  Wasiiradda Somaliland ay cod aqlabiyad leh ku meel mariyeen soo jeedinta Madaxweyne Muuse Biixi ee ahaa in uu Hargeysa ka dago Madaxweynaha Jamhuuriyadda Soomaaliya.     

 

Dowladda Federaalka Iyo Saddex Maamul Goboleed Oo Shir Uga Socda Muqdisho.

0

Shir ay soo qaban qaabiyeen wasaaradda Howlaha guud ee Xukuumadda Federaalka Soomaaliya,isla markaana ay ka qeybgalayaan Wasaraddaasi iyo Wasaaradaha Hawlaha Guud ee Saddex maamul goboleed maamul goboleedyada ayaa maalintii labaad  ka socda magaalada Muqdisho.

Shirkaasi oo sidoo kale ay ka qeybgalayaan Hay’adda UNOPS,waxaa looga  wada tashanayey mashruuca tayaynta Shaqaalaha Wasaaradaha Hawlaha Guud SSIWPP,Waxaana ka qaybgalay Madaxda Wasaaradda Hawlaha Guud, Wasiirada Hawlaha Guud ee Maamul goboleedyada dalka, iyo Xubno kasocday UNOPS ee Qaramada midoobey ee dhinaca mashaariicda.

Mudane Jamaal Xasan Cismaan wasiir kuxigeenka Howlaha guud ee Xukuumadda Federaalka Soomaaliya oo hadal ka jeedinayay furitaanka shirkaasi ayaa sheegay in wasaaradaha Howlaha guud ee heer Federaal iyo heer Dowlada gobaleed ay wadashaqeyn buuxda ay ka dhexeyso,wuxuuna intaasi ku daray in shaqooyin badan ay si wada jir ah u soo qabteen,ayna ku guuleysteen.

Inta uu socdo shirkan ayaa diiradda ;lagu sari doonaa sare u qaadista heerka aqooneed ee shaqaalaha wasaaradda Howlaha guud ee DFS iyo kuwa dowlad gobaleedyada,waxaana hadafka ugu weyn uu yahay in shaqaalaha ay noqdaan kuwo khibrad iyo aqoon durugsan u leh adeegyada ay qarankooda u qabanayaan.

Axmed Nur Sheekh Maxamed oo ah wasiirka Howlaha guud ee Koonfur Galbeed oo ku hadlay magic dowlad gobaleedyada ayaa ku ammaanay Madaxda wasaaradda hawlaha guud iyo dib u dhiska Xukuumadda Soomaaliya wadashaqeynta ay la leedahay wasaaradaha kale ee heer dowlad gobaleed.

Shirkan ayaa socon doona muddo laba maalmood ah waxaa ugu dambayn laga soosaari doonaa war murtiyeed ku saabsan ahmiyadda shirkan.     

 

Kalluumeysato Ku Dhintay Dabeylo Ku Dhuftay Xeebaha Muqdisho.

0

Ugu yaraan lix ka mid ah kaluumeysatada doomaha yar yar ku jillaabta ayaa ku dhintay, kuwo kale waa lagu la’ayahay xeebaha magaalada Muqdisho, ka dib markii dabeylo ay kaluumeysatadu ku sheegeen kuwo aan waqtigan looga baran, ay xeebaha ku dhufteen.

Ruux ka mid ah dadkii kasoo badbaaday moojadaha ka dhalatay dabaysha ka kacday bada ayaa sheegay in ay qasaaro xoogan ay geesatay dabeysha kacday wuxuuna tilmaamay inaysan jirin wax gurmad ah oo ay ka heleen dowlada federaalka.

Dabeylaha xoogan oo haatan ka dhacay xeebaha magaalada muqdsho ayaa dadka qaarkii waxa ay ku sheegeen Inaysan aheyn mid looga bartay waqti tirsiga Xiliyaadka kala duwan kaasoo ay kalluumeesatada ka baaraan dagi jirtay,tanina waxay noqoneysaa mid kadis ku ah jalaabatada xeebaha muqdisho.     

Kulan Looga Hadlayay Nooc-yada Nidaamka Federaalka Oo Lagu Qabtay Muqdisho.

0

Waxaa maanta magaalada Muqdisho ka furmay kulan-howleed looga hadlayo qaab-dhismeedka dowladda ee nidaamka Federaalka kaasoo lagama maarmaan u ah dhameeystirka dastuurka KMG ah.

Kulanka waxaa furay Agaasimaha Guud ee Wasaaradda Arrimaha Dastuurka isagoo ku soo dhaweeyay Wasaaradda Haweenka iyo Xuquuqda Aadanaha si loo dhageeysto talooyinkooda ku aadan xuquuqda aadanaha ee muhiimka u ah kulamo-howleedyada dastuurka ee maalmahanba ka socday Muqdisho.

Sidoo kale Madaxa Hay’adda UNDP ee Soomaaliya Joceyln Mason oo kulanka ka hadlay ayaa bogaadiyay kulamo-howleedyada looga arinsanayo arrimaha muhiimka u ah dhameeystirka dastuurka.

Dhanka kale, masuuliyiin ka socotay Wasaaradda Arrimaha Gudaha, Dib-u-heshiisiinta iyo Federaalka ayaa waxa ay ka qeybgalayaasha kulanka u soo jeediyeen xulashooyin ku saabsan noocyada qaab-dhismeedka ee dowladaha ku dhaqma nidaamka Federaalka.

ka qaybgalyaasha oo isugu jira masuuliyiin dowladda katirsan iyo khuburro ayaa waxay muddo labo cisho ah ka doodi doonaan qaab-dhismeedka dowladda ee la halmaamla dib-u-eegista dastuurka.

Maamuladda Puntland iyo Jubbaland oo xubno ka ah dowladda federaalka ayaa dhaliilay qaabka loo wado howlaha dib-u-eegista dastuurka federaalka Soomaaliya.     

Xuutiyiinta Yeman Oo Sheegay Inay Soo Rideen Diyaarad Dagaal Ay Sucuudiya leedahay.

0

Mid ka mid ah diyaaradaha dagaalka ee casriga ah ee boqortooyada Sucuudiga ayaa ku burburtay gobolka waqooyiga yemen ku yaal ee Aljawf sida ay sheegtay wakaalada wararka Sucuudiga ee SPA .

Kooxda Xuutiyintii ayaa sheegtay inay soo rideen diyaaradaas oo nooceedu ahaa Tornado, hase yeeshee Afhayeen u hadlay xulafada Sucuudiga ee Yemen waxaa uu sheegay in diyaaradu ay soo dhacday xili ay ku guda jirtay howlgal lagu caawinayay ciidamada Yemen.

Xuutiyiintu waxay sheegeen in gantaal nooca lidka diyaaradaha oo ay ka ganeen dhulka uu soo riday diyaarada Sucuudiga.

Dhinaca kale, Xuutiyiintu waxay ku eedeeyeen diyaaradaha xulufada sucuudigu hoggaamiyo ay duqaymo ku dileen ugu yaraan 30 qof oo shacab ah gobolka Al-jawf maalintii shalay.     

Kiisas La Xiriira Dil, Kufsi Iyo Furasho Oo Maanta U Fariisatay Maxkamada Degmada Garowe.

0

Maxkamada Degmada Garoowe ayaa maanta u fariisatay kiisas isugu jira Dil, kufsi iyo dhac kaas oo maxkamada loo horkeenay eedaysanayaal kala duwan.

Maxkamada ayaa maanta kiisaska ay u fariisatay waxaa ka mid ahaa dil iyo Kufsi 11-4-2019 Magaalada Garoowe loogu gaystay marxuumad Hodan Axmed Shanlayste oo ahayd hooyo xaas ah.

Eeda kiiskaan ayaa maxkamada loo horkeenay 7 eedaysane, dhagaysiga dacwada xeer ilaalinta ka dib Maxkamadu waxay go’aamisay in sabtida soo socota 22ka Bishaan mar kale loo fariisto kiiskaan.

Sidoo kale Maxkamadu waxay maanta xukuntay nin kufsi u gaystay Gabar aan weli guursan, 5 sano oo xarig ah, 1000 dollar oo ganaax ah iyo in uu bixiyo lacag ” Mehrul-Misli” ah ayay maxkamadu ku xukuntay.

Maxkamada Garoowe waxay sidoo kale maanta xukun 2 sano ah iyo ganaax lacageed ku riday dhalinyaro qiratay in ay furan jireen taleefoonada, Xeer ilaaliye ku xigeenka Puntland Maxamed Xareed ayaa waalidiinta Puntland ugu baaqay in ay ceshadaan caruurahooda, marka gacanta lagu dhigona aysan ka daba-imaan.

Maxakamada Puntland ayaa mudooyinkii danbe si adag u xukumayay kiisaska la xiriira Kufsigga, dhawaan ayay ahayd Markii Magaalada Boosaaso lagu toogtay 2 ka mid 3 nin oo lagu xukumay dil kuwaas oo maxkamadu ay ku heshay in ay ka danbeeyeen kiis kufsi ah oo gabar yar oo lagu magacaabo “Caasho Ilyaas” loogu gaystay Magaalada Gaalkacayo.     

8-Ruux Oo Ku Dhimatay Duqayn Ka Dhacday Bariga Wadanka Afghanistan.

0

Ugu yaraan 8 qof oo shacab ah ayaa ku dhimatay weerar la rumaysan yahay inay qaadeen Diyaaradaha dagaalka ee Maraykanka sida ay sheegeen Saraakiil ka tirsand dowladda afganistan.

Afhayeen u hadlay Guddoomiyaha gobolka bariga Afganistan ee Nangarhar Attaullah Khogyani waxaa uu sheegay in dadka shacab ah oo saarnaa labo gaari ay ku dhaceen gantaalo ay soo gananeen diyaaradaha Maraykanka.

Weerarkan ayaa ka dhacay degaanka Sur Rod oo ay ka taliyaan ururka Daalibaan

Dowladda Afganistan ayaa sheegtay inay baarayaan weerarka, Halka ururka Daalibaan ay cambaareeyeen weerarkaasi, dhinaca kale ma jirto war ka soo baxay ciidamada Maraykanka ee ku sugan afganistan oo la xiriirta dhacdadaasi

Dhinaca kale Shahraa-yar Mascuud oo ka mid ah hoggaamiyaasha ugu waaweyn kooxda Daalibaan oo ka hawli gali jiray dalalka Pakistan iyo Afghanistan ayaa lagu dilay Afghanistan, wuxuuna si gaar ah hoggaanka ugu hayay kooxda mintidiinta ah ee Xakiim Al-mascuud oo ka tirsan xoogagga Daalibaan.

Bayaan ay soo saartay kooxda Daalibaan ayay ku sheegtay in Shahraa-yar Mascuud uu dhintay kadib markii loo dhigay miinada dhulka lagu aaso meel waddada dhinaceeda ah, xilli uu ku siijeeday gobolka Kunaar oo ku yaalla waqooyiga Afghanistan.     

DF Oo Ka Jawaabtay Eedaymo Ay U Soo Jeedisay Hay’ada Amnesty International.

0

Wasiir ku xigeenka Wasaarada Warfaafinta Dawlada Federaalka ah ee Soomaaliya Aadam Isaaq ayaa kasoo horjeestay warbixin ay soo saartay Hay’ada Amnesty International kaas oo ay uga hadlaysay heerka uu marayo xoriyadda hadalka tan iyo 7da bishii feb 2017 markaas oo xilka Madaxweynaha Soomaaliya uu ku guulaystay Maxamed Cabdilaahi Farmaajo.

Amnesty ayaa sheegtay in mudadaas sadexda sano ah 8 weriye lagu dilay Soomaaliya, Sidoo kale waxay DFS ku eedaysay in Laaluush iyo Lacago ku bixisay warbaahinta si loogu tafatafiro wararka, sidoo akle waxay xustay in weriyayaal iyo dad saamayn leh laga xiray Akoonadii ay ku lahaayeen baraha bulshadu ay ku kulanto.

Wasiir Adam Isaaq ayaa sheegay in Amnestytii intii ay warbixinta diyaarineysay waxba ka weydiin, sidoo kale waxa uu tilmaamey in aysan jirin dad iyaga ka socda oo u yimid, sidoo kalena aan wax laga weydiin xaaladda saxaafadda Soomaaliya.

” Dowladda Soomaaliya waxa ay xurmad u haysaa oo dhowreysaa xorriyadda Saxaafadda iyo xorriyadda hadalka guud ahaan, Ma jirto cago jugleyn iyo ciriiri gelin lagu hayo saxaafadda iyo saxafiyiinta. Dowladda uu hoggaamiyo Madaxweyne Maxamed Cabdullaahi Farmaajo ma jiro wariye u xiran, ama makamadeyntiisu socoto ama maxkamadi doondooneyso” Ayuu yiri Wasiirku.

Waxaa jiray askar si xun ula dhaqmay saxafiyiin tallaabo laga qaaday lana xiray.

Wasiirka ayaa sidoo kale iska fogeeyay in Dawlada Federaalka ah ee Soomaaiya ay u diido weriyayaasha in ay xog helaan.

” Ma jirto xog helis laga hor joogsday saxaafadda, waxaase jirta in xilliyada qaar la xaddido galista goobaha ay qaraxyadu ka dhacaan, taas oo loogu daneynayo wariyeyaasha iyo dadka rayidka ah inta laga hubinayo in aan khatar kale ka jirin goobta.

Marar badan waxaa dhacda in qarax labaad ka dhaco goobta, taas oo ay wariyeyaal iyo dad kaleba wax ku gaaraan, waxay horay uga dhacday Hoteel Saxafi, Dayax, Hooyooyinka, Jazeera iyo goobo kale oo mararka qaar wariyeyaal wax ku noqdeen” ayuu yiri Wasiirk Aadam Isaaq.

Ugu danbayn waxa uu xusay in dawlada aysan cidi ka xirin baraha bulshada, waxa uu xusay in ay ku dhaqmaan Dastuurka Iyo Shuruucda kale ee dalka u yaal kuwaas damaanad qaadaya xorriyadda hadalka.     

Waziir Isloow” Dhagxaanta Wadooyinka Muqdisho Yaala Dhawaan Waa La Qaadayaa”

0

Maxamed Abuukar Isloow Ducaale Wasiirka Amnigga Dawlada Federaalka ah ee Soomaaliya oo waraysi siinayay Telefishanka Universal ayaa ka hadlay dhawr arimood oo la xiriira xaalada Guud ee Dalka, Sida Amnigga Caasimada, Wadooyinka xiran, dilkii loo gaystay ilaaladii Cabdiraxmaan Cabdishakuur iyo fakashadii Wasiirka Amnigga Jubaland Cabdirashiid Janan.

Wasiir Isloow ayaa ugu horayn sheegay in dawladu ay waddo qorshe dhegxaanta looga qaadayo wadooyinka Magaalada Muqdisho maadaama ay caqabad ku yihiin isu socodka dadweynaha ee magaalada, Wasiirka Ayaa tilmaamey in ay dadweynaha reer Muqdisho dhibaato ku qabaan dhegxaanta lagu jaray wadooyinka halbowlaha u ah isu socodka magaalada.

Wasiir Isloow waxa uu sheegay in fakashada Wasiir Cabdirashiid Janan ay ku socoto baaris, Waxa uu Dawladda Keenya ka codsaday in eedaysanhaas gacanta loo soo geliyo sidii dawladu usoo qaban-lahaydna lagala shaqeeyo.

Dhanka kale Wasiirka Amnigga Soomaaliya Maxamed Abuukar Ducaale ayaa sheegay in dawlada Federaalka ah ee Soomaaliya ay Mag-dhaw ka bixisay dilkii loo gaystay Ilaaladii Siyaasi Cabdiraxmaan cabdishakuu Warsame. Sidoo kale mar wax laga waydiiyay Diyaaradi hawadda ee laga celiyay ee ay saarnaayeen Madaxdii hore ee DFS waxa uu tilmaamey in hab madaxweynayaal lagu xaliyay arinkaas.