Thursday, January 23, 2020
Home Blog Page 2

Xildhibaanada Aqalka Sare Oo Ansixiyay Hindise Sharciyeedyada Xaqsiinta Iyo Tirikoobka Ciidamada.

0

Mudanayaasha Golaha Aqalka Sare ee Baarlamaanka Federaalka Soomaaliya ayaa ansixiyay Hindise Sharciyeedyada Xaqsiinta Ciidamada Qalabka Sida iyo Istaatistikada Qaranka.

Kulankii 31aad ee Kalfadhiga 6aad ee Golaha Aqalka Sare Baarlamaanka Federaalka Soomaaliya Kulanka ayaa waxaa shir guddominayay Guddomiyaha Golaha Aqalka Sare Senator Cabdi Xaashi Cabdullahi ayada oo ay ku-wehliyaan Guddomiye Ku-xigeenka 1aad ee Golaha Aqalka Sare Senator Abshir Maxamed Axmad iyo Guddomiye ku-xigeenka 2aad ee Golaha Aqalka Sare Senator Moowlid Xuseen Guhaad.

Guddomiyaha Guddiga Difaaca iyo Amniga Golaha Aqalka Sare ee Baarlamaanka Federaalka Soomaaliya Senator Maxamed Amiin Sheekh Cismaan ayaa Golaha Aqalka Sare ka hor akhriyay Warbixinta Akhrinta 3aad ee Hindise-sharciyeedka Howlgabnimada, Xaqsiinta iyo Hibooyinka Xubnaha Ciidamada Qalabka Sida.

Intaas kaddib Golaha Aqalka Sare ee ayaa ansixiyay Akhrinta 3aad ee Hindise-sharciyeedka Howlgabnimada, Xaqsiinta iyo Hibooyinka Xubnaha Ciidamada Qalabka Sida, waxaana Haa ku ogaalatay 30 Senator, waxaana Ka amusay 1 Senator , ma jirin cid diiday sida uu ku dhawaaqay Guddoomiyaha Golaha Aqalka Sare Senator Cabdi Xaashi Cabdullahi.

Sidoo kale Guddiga Arrimaha Dibedda Qorsheynta, Maalgashiga iyo iskaashiga Caalamiga ah ee Golaha Aqalka Sare ayaa mariyay Akhrinta 3aad ee Hibdise-sharciyeedka Istaatistikada Qaranka.

Xildhibaannada Golaha Aqalka Sare ayaa si taa la mid ah waxa ay ku meel mariyeen Hindise-sharciyeedka Istaatistikada Qaranka, waxaana haa ku ogaalatay 31 Senator, wax diiday iyo wax ka aamusay midna ma jirin.

Ugu dambeyntii waxaa shirka soo xiray Guddomiyaha Aqalka Sare ee Baarlamaanka Federaalka Soomaaliya Senator Cabdi Xaashi Cabdullahi.

     

Dood La Xiriirta Amniga iyo Siyaasadda oo Muqdisho Ka Dhacdey Maanta.

0

Dallada ururada bulshada aan dowliga aheyn ee SONSA, ayaa magaalada Muqdisho ku daahfurtay dood qaran oo ku saabsan arrimaha ammaanka, siyaasada, dhaqaalaha, degaanka iyo arrimaha bulshada.

Doodaan oo loogu magac daray madasha Muqdisho, ayaa waxaa ka qeyb galay, ururada bulshada, Xildhibaano katirsan barlamaanka Soomaaliya, qaar kamid ah xisbiyada siyaasadeed iyo guddiga qaran ee doorashooyinka Soomaaliya, waana  dood qaran midii ugu horeysay oo nuuceeda ah.

Guddoomiyaha dallada bulshada rayidka ah ee SONSA, Cismaan Muxidiin Shaatax ayaa sheegay doodaan qaran inay ahaandoonto mid bille ah oo lagaga arinsandoono marxaladaha dalku marayo.

Sahro Maxamed Axmed oo katirsan bulshada rayidka ah ayaa cod dheer ku sheegtay in bulshadu ku dulman yihiin kaalintooda kaga aadan go’aanada iyo sharciyada muhiimka ah ee dalka lagu gaarsiinayo doorashooyinka.

Abuukaate Cumar Dhegay oo kamid ah la taliyayaasha raysal Wasaaraha Soomaaliya, ayaa sheegay Soomaaliya inay maanta baahi weyn u qabto madal kulmin karta dadka Soomaaliyeed ee qaba afkaaraha kala duwan.

Wuxuu sheegay madasha nuucaan oo kale ah inay abuuri karto wada hadalo ummadda Soomaaliyeed kaga hadlayaan masiirka dalkooda.

Xildhibaan Cabdiqaadir Cali Cosoble oo katirsan barlamaanka Soomaaliya, ayaa ku taliyay in doodaan looga faa’idaysto sidii masiirka Muqdisho meel loo saari lahaa, culayska hadda haystana looga dulqaadi lahaa.

Madashaan ayaa kusoo beegmaysa xilli Soomaaliya ay sanadkaan galayso waqti kala guur ah oo dalku isku diyaarinayo doorashooyin heer qaran ah oo sharciyadii lagu geli lahaa aan weli si dhameystiran loo ansixin.

     

Turkiga oo Wacad Ku Marey In aaney Soomaaliya Uga Tageyn Dhib Kasta Hadii ay Gaarto.

0

Turkiga ayaa cambaareeyay weerar ka dhacay caasimada Soomaaliya ee Muqdisho kaas oo ku dhaawacmey tiro rayid ah.

“Waxaan dhalleeceeynaynaa weerarkii argagixiso ee lala beegsaday dad rayid ah oo aan waxba galabsan oo ku dhaawacmay 11 qof oo rayid ah, oo ay ku jiraan afar muwaaddiniin Turki ah,” ayay Wasaaradda Difaaca ku tiri Twitter.

Bayaan ka soo baxay Wasaaradda ayaa lagu sheegay in Turkiga uu sii wadi doono garab istaagga walaalahooda Soomaaliyeed.

Wasiirka arrimaha dibadda ee Turkiga Mevlut Cavusoglu ayaa sidoo kale dhalleeceeyay weerarka, isaga oo ku soo qoray Twitter: “Weerarka ka socda Soomaaliya ma horjoogsan doono dagaalka aan kula jirno argagixisannimada.”

Sida laga soo xigtay saraakiisha Soomaalida, ugu yaraan saddex qof ayaa ku dhintey 20 kalena oo ay ku jiraan Muwaadiniin Turki ah ayaa ku dhaawacmay qarax ismiidaamin ah oo lala beegsaday kolonyo booliis ah oo la socday qandaraasleyaal Turki ah oo ku sugan Muqdisho.

Wasiirka Caafimaadka Turkiga Fahrettin Koca iyo Safaaradda Turkiga ee Muqdisho ayaa sheegay muwaadiniinta Turkiga ee ku dhaawacmay weerarka inay ku jiraan  qandaraaslayaasha dhismaha.

Toddobaadkii la soo dhaafay, ugu yaraan saddex qof ayaa ku dhintey markii bam wadada dhinaceeda la dhigay lala beegsaday ciidamada amniga ee ilaaliya muwaadiniinta Turkiga ee ka shaqeynayay dhismaha waddo ka baxsan Muqdisho, weerarkaas oo ay sheegatay al-Shabaab.

Bishii Diseembar 28, ugu yaraan 85 qof, oo ay ku jiraan laba muwaadin Turki ah, ayaa lagu diley in ka badan 150 kalena waa lagu dhaawacay weerar baabuur ismiidaamin ah oo ka dhacay Muqdisho.

     

Diyaarad Drone Ah Oo Ku Dhacday Tooratooroow, Al-Shabaabna Gacanta Ku Dhigeen.

0

Wararka ka imaanaya gobolka Sh/Hoose ee dhaca Koonfurta soomaaliya ayaa sheegaya in diyaarad dagaal oo dowladda Mareykanka leedahay ay kusoo dhacday deegaan ay gacanta ku hayaan dagaalyahanada Al Shabaab.

Wararka ayaa sheegaya in diyaarad Drone ah nuuca dagaalka ee wax duubta ay kusoo dhacday degmada Tooratooroow ee gobolka Sh/Hoose waxaana diyaaradda gacanta ku dhigay ciidamada shabaabka ah ee maamula dedegmadaas
Dad ku sugan Tooratooroow ayaa wwarbaahintau sheegay in Al Shabaab ay gacanta ku dhigeen diyaaradda iyo qalabkii ku xirnaa ayna ula dhaqaaqeen goobaha  ay maamulaan .
Diyaaraddan ayaa la rumeysanyahay in ay qeyb ka aheyd diyaaradaha dagaalka ee Ka tirsanaa weerar ay isbuucii lasoo dhaafay Tooratooroow ku tageen ciidamo Mareykan iyo kuwa  Bangaraafta waxaana dusha sare ka taageerayay diyaarado Drone ah oo kasoo duulay garoonka Balidoogle.
     

Gudigga Doorashada Madaxtinimadda Maamulka Galmudug Oo La Shaaciyay.

0

Waxaa maanta lagu dhawaaqay gudigga ka shaqayn doona madaxtinimadda maamulka Galmudug kuwaas oo ka kooban 13 xubnood oo ku dhisan hanaanka awood-qaybsigga siyaasadda Galmudug.

Gudoonka Baarlamaanka ayaa faray xubnaha la magacaabay in ay si deg-deg ah u bilaabaan shaqooyinka horyaala ee la xiriira hagidda iyo habsami u socodka shaqada Galmudug.

Dhawaan ayay ahayd markii qaar ka mid ah musharaxiinta xilka madaxweyne ee Galmudug ay dalbadeen in dib loo dhiggo doorashada Madaxtinimadda Galmudug mudo 21 casho ah, sidoo kalena waxay sheegeen in DFS ay faragelin ku hayso doorashada Galmudug.doortaan gudoomiye, ku xigeen iyo xogahaye.

     

Axmed Madoowe: “Puntland Iyo Jubbaland Diyaar Bay U Yihiin Inay La Shaqeeyaan Dowlada Federaalka.

0

Madaxweynaha Dowlad Goboleedka Jubbaland Axmed Maxamed Islaam ayaa maanta khudbad u jeediyay Dadweyne kala duwan oo uu kula hadlay Jaamacada bariga Afrika ee Magaalada Boosaaso

Madaxweynahu wuxuu sheegay in Puntland iyo Jubbaland labaduba ay diyaar u yihiin in arrimaha siyaasada kala shaqeeyaan Dowlada Federaalka ah balse taas ay ka horayso in la dhowro Dastuurka iyo sharciga dalka u yaala oo qofna aan laga ogolaan inuu siduu doono u dhigo Arimaha Siyaasada dalka ayuu Madaxweynahu sheegay inay u baahan tahay wadajir iyo aragti midaysan oo wax lagaga qabanayo baahiyaha taagan taasna lagu gaari karo wada hadal iyo isku tanaasul.

Madaxweynahu wuxuu ka hadlay Xiriirka Puntland iyo Jubbaland isagoo sheegay in uu yahay mid taariikhi ah oo labada shacab ay waxyaabo badan wadaagan loona baahan yahay in taas lasii xoojiyo iyadoo xooga la saarayo Hormarka dhaqaalaha amaanka iyo Siyaasada.

Shacabka Puntland ayuu Madaxweynahu uga mahad celiyay sida ay u garab istaageen walaalahood Jubbaland wakhtiyadii adkaa ee ay soo mareen taas oo ah wax looga baahan yahay dhamaan Shacabka Soomaaliyeed inay ku midooban sidii ay gacmaha isku qabsan lahayeen.

Amaanka ayuu Madaxweynahu Shacabka Gobolka Bari ugu baaqay inay kala shaqeeyaan Xukuumada Puntland si dhibaatada Argagixisada meesha looga saaro taas oo lagu heli karo in Hay’adaha amaanku ay tageero k helaan shacabka

Ugu danbayn Madaxweynahu wuxuu xusay in nidaamka Federaalku uu xal u yahay dhibaatooyin badan oo maanta dalka ka jira hadii siduu yahay loo dhaqan galiyo waxaa uu intaas ku daray in hanaanka daadajinta maaamulka iyo in Adeegyada Dowlada meelaha Hoose la gaarsiiyo faa”iidadeeda ay arkeen Shacabka Puntland loogana baahan yahay inay ilaashadaan oo ay sii adkeeyaan.

     

Dhuusamareeb Oo Wajahaysa Mashquulkii Ugu Darnaa.

0

Magaalada Dhuusamareeb ee Xarunta Gobolka Galgaduud ayaa ku jirta marxalad mashquul ah, taasoo ka dhalatay dhismaha maamulka cusub ee Galmudug.

Toddobaadyadii la soo dhaafay ayaa waxaa Magaalada Dhuusamareeb gaaray Wasiiro, Xildhibaano, Siyaasiyiin, Saraakiil ciidan, ganacsato, odayaal, waxgarad iyo qurbajoog.

Wariye-yaasha ayaa soo sheegaya in dadkani ay magaaladaasi u taggeen arrimo la xiriira marxaladda habraaca kala guurka iyo geedi-socodka dhismaha maamulkan.

Magaalada ayaa waxaa xilligan ka soconaya kulamo loogu ololeynayo Doorashada Madaxweynaha Galmudug iyo Madaxweyne Kuxigeenka.

Inkastoo aan weli la shaacin goorta la qabanayo Doorashada Madaxtooyada Galmudug ayaa waxaa hadana lagu hawlan yahay soo saarista jadwalka, ay tahay in loo raaco doorasahadaasi.

Dhanka kale waxaa aad loo adkeeyay amniga Magaalada Dhuusamareeb, iyadoo ay ciidamada kordhiyeen hawlgalada ay ku xaqiijnayan amniga magaaladaasi. Ciidamada ayaana si joogto ah roondo uga sameeyo wadooyinka magaalada.

Dadka reer Dhuusamareeb iyo martida la joogta ayaa rajeynaya in inta ka harsan dhismaha maamulka, ay si nabdoon ugu soo idlaato.

     

Puntland oo Diiwaangelineysa Ciidamadeeda Qalabka Sida.

0

Guddiga tirokoobka iyo diiwaan galinta ciidamada Puntland ayaa maanta bilaabay diiwaan galinta ciidanka bilayska Puntland.

Diiwaankaan ayaa ka bilaabatay xarunta taliska ciidanka bilayska ee gobolka Nugaal, halkaas oo maanta ay iskasoo xaadiriyeen dhammaan qeybaha kala duwan ee ciidanka bilayska heer gobol.

Guddiga tiro-koobka ciidamada ayaa horey usoo dhameeyay diiwaan galinta ciidanka daraawiishta Puntland, kuwaas oo lagu bilaabay qorshahaan dib u habaynta ciidamada.

Taliye ku xigeenka ciidanka bilayska Puntland, gaashaanle sare Bile Faarax Cali, oo wareysi siiyay Hiiraan Online, ayaa sheegay Puntland inay yeelandoonto ciidamo bilays ah oo kooban lehna tayo islamarkaana lagula xisaabtamo waajibaadkooda shaqo.

     

Magaalada Boosaso oo Shir Uga Furmay Puntland iyo Jubaland.

0

Shir wadatashi ah oo udhexeeya Puntland iyo Jubbaland, ayaa ka furmay magaalada Bosaso ee xarunta gobolka Bari, halkaas oo ay ku sugan yihiin madaxweynayaasha labada maamul.

Shirkan ayaa ku saabsan iskaashiga amniga, ganacsiga iyo horumarka guud, sida lagu sheegay warsaxaafadeed kooban oo kasoo baxay xafiiska warfaafinta madaxtooyada Puntland.

Waxaa kale oo shirka looga hadlayaa arrimaha Siyaasadda Soomaaliya, sida Doorashooyinka, dib u eegista Dastuurka, Shidaalka iyo deeqaha lagu helo magaca Soomaaliya.

Labada maamul ayaa lagu wadaa isla galabta inay soo saaraan war murtiyeed ku socda dowladda federalka iyo beesha caalamka.

Labada madaxweyne ayaa shalay Bosaso ka sheegay in aan Soomaaliya lagu maamuli karin hal dhinac wixii kasoo yeera oo ay ula jeedaan dowladda federalka.

     

R/W Khayre Oo Amar Ku Bixiyay In La Hakiyo Mashruuc Maanta La Saxiixay.

0

Ra’iisul Wasaaraha Somaliya Xasan Cali Khayre ayaa amray in la hakiyo Mashruuc saaka ay wada saxiixeen Wasiirka Maaliyadda, Wasiirka Hawlaha guud & Duqa Magaalada Muqdisho.

Mashruucaan oo ah horumarinta Magaalooyinka Kismaayo, Baydhabo, Banaadir & Garowe ayaa waxaa uu ku kacaayay 112 Milyan oo doolar.

Mashruucaan ayaa waxaa ka dhashay muran, waxaana dadka qaar baraha Bulshada ay isku waydiinayeen sababta Maamul Goboledyada si siman wax loogu qaybin waayay oo qaarkood looga tagay.

Amar ka soo baxay Xafiiska Ra’iisul Wasaaraha Somaliya Xasan Cali Khayre ayaa lagu hakiyay Mashruucaasi.

Khayre ayaa sheegay in dib u eegis lagu sameyn doono Mashruucaasi, islamarkaana si siman Maamul Goboledyada wax loogu qaybin doono, maadaama Maamulada qaar aysan ku jirin mashruuca.