Gobernatooraha Mandheera Cali Ibraahim Roba ayaa ka dhawaajiyay in weerarada ka dhaca degmada Mandheera ay carqaladeeyaan horumarka la doonayo in la gaarsiiyo degmadaa.
Mr Roba ayaa sido kale carabka ku dhuftay in falalka argagixisada ay saameeyeen howlaha socda oo ay ka mid tahay wadada marta bartamaha Mandhera ee dhan 25 km oo laami laga dhigayo.
Mashruucaa ayuu ku tilmaamay in uu ka mid yahay mashariicda ugu waweyn ee xariga laga jaray 3 sano ka hor.
Dadka anan Mandheera ka soo jeedin oo mashaariicda ku howlan ayuu sheegay in tiradoodu ay sii yaraaneyso maadama weeraradu ay cabsi ku beereen.
Wadadada marta magaalada Mandheera bartamaheeda oo uu si gaar ah u xusay in argagaxisadu ay saameyn ku yeelatay ayaa waxa lagu qarash gelinayaa lacag dhan 2.4 bilyan oo shilin, waa sida uu hadalka u dhigaye.
Howlaha kale ee istaagay ayaa sida uu sheegay waxaa ka mid ah dhisida xarumaha ugu waweyn ee waaxyaha kala duwan ee Mandheera iyo sidoo kale xafiisyada golaha baarlamaanka hoose ee Mandheera.
Dhanka kale macalimiinta iyo daqaatiirta ayuu ka dhawaajiyay in ay ka biyo diidayaan in la geeyo Mandheera iyaga oo ka cabsanaya in la bartilmaamedsado.
Weerarkii ugu dambeyay ee ka dhacay Mandheera gaar ahaana hoteel lagu magacaabo Bishaaro Hotel ayaa waxaa ku nafwayay 12 qof.
warsom2011@gmail.com